सांगली : सांगली-मिरज-कुपवाड महानगरपालिकेच्या आरोग्य व घनकचरा व्यवस्थापन विभागातील स्वच्छता कर्मचाऱ्यांसाठी मोफत आरोग्य तपासणी शिबिर आयोजित करण्यात आले. युनिक इन्स्टिट्यूट ऑफ क्रिटिकल केअर (UICC) यांच्या सहकार्याने हा उपक्रम राबविण्यात आला.
या शिबिरात डॉ. परमशेट्टी, डॉ. रियाज मुजावर, डॉ. गांधी आणि डॉ. टकले यांच्या पथकाकडून घंटागाडी कर्मचारी व स्वच्छता कर्मचाऱ्यांची सविस्तर आरोग्य तपासणी करण्यात आली. सर्वसाधारण आरोग्य चाचण्या करून आवश्यक वैद्यकीय सल्ला देण्यात आला.
“स्वच्छता कर्मचारी निरोगी राहिले तरच शहराची सेवा अधिक प्रभावी होईल,” असे डॉ. परमशेट्टी म्हणाले.
महानगरपालिकेचे आयुक्त सत्यम गांधी यांनी महिला कर्मचाऱ्यांसाठी विशेष आरोग्य तपासण्यांचा समावेश करण्याची सूचना दिली. तसेच, नूतन महापौर धीरज सूर्यवंशी यांनी स्वच्छता कर्मचाऱ्यांचे आरोग्य जपणे ही प्रशासनाची जबाबदारी असल्याचे सांगितले.
पुढील काळात अशा स्वरूपाचे आरोग्य तपासणी उपक्रम नियमितपणे राबविण्याबाबत चर्चा करण्यात आल्याचे सांगण्यात आले.
हेही वाचा: दहावी-बारावी परीक्षांत सांगली जिल्हा ‘कॉपीमुक्त’; डिजिटल मॉनिटरिंगमुळे पारदर्शकता.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
