तासगाव : मुदत खरेदी दस्तांची नोंद करून सात-बारा देण्यासाठी 10 हजार रुपयांची लाच स्वीकारताना शिरगाव (विसापूर) येथील संजय शंकर पवार (वय 56) याला लाचलुचपत प्रतिबंधक विभागाने रंगेहात पकडले. रात्री उशिरापर्यंत तासगाव पोलिस ठाण्यात गुन्हा दाखल करण्याची प्रक्रिया सुरू होती.
तक्रारदार यांच्या वडिलांनी गहाण स्वरूपात दिलेल्या जमिनीचा दस्त तक्रारदार व त्यांच्या बहिणीच्या नावावर करण्यात आला होता. त्या दस्ताची तलाठी कार्यालयात नोंद करण्यासाठी अर्ज करण्यात आला होता. या दस्तांची तलाठी कार्यालयात नोंद करण्यासाठी अर्ज दिल्यानंतर संबंधित व्यक्तीने नोंद व सात-बारा देण्यासाठी स्वतःसह तलाठ्यांसाठी एकूण 15 हजार रुपयांची मागणी केल्याचा आरोप आहे.
तक्रारदाराने लाचलुचपत प्रतिबंधक विभागाकडे तक्रार केल्यानंतर पडताळणीत लाच मागितल्याचे स्पष्ट झाले. त्यानंतर 10 हजार रुपये स्वीकारताना संशयिताला रंगेहात पकडण्यात आले.
पोलिस उपअधीक्षक यास्मिन इनामदार यांच्या मार्गदर्शनाखाली पथकाने सापळा रचून ही कारवाई केली.
हेही वाचा: शहर स्वच्छ ठेवणाऱ्यांसाठी ‘आरोग्य कवच’; सांगली मनपात मोफत तपासणी शिबिर.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
