सांगली : ७७ व्या प्रजासत्ताक दिनाच्या पार्श्वभूमीवर सांगली जिल्हा प्रशासनाने मुख्य शासकीय कार्यक्रमाची अधिकृत रूपरेषा जाहीर केली आहे. सोमवार, २६ जानेवारी २०२६ रोजी पोलीस परेड ग्राऊंड, विश्रामबाग येथे सकाळी ९.१५ वाजता मुख्य शासकीय ध्वजारोहण होणार आहे. हा समारंभ सांगली जिल्ह्याचे पालकमंत्री चंद्रकांत पाटील यांच्या हस्ते पार पडणार आहे.
मुख्य कार्यक्रम सुरळीत पार पडावा तसेच सुरक्षा व्यवस्थेत कोणताही अडथळा येऊ नये, यासाठी जिल्हा प्रशासनाने सकाळी ८.३० ते १०.०० वाजेपर्यंत कोणताही शासकीय किंवा अर्धशासकीय ध्वजारोहण समारंभ आयोजित करू नये, असे स्पष्ट निर्देश दिले आहेत. संबंधित कार्यालये, शासकीय संस्था व संघटनांनी आपले स्वतंत्र ध्वजारोहण समारंभ ८.३० पूर्वी किंवा १० नंतरच आयोजित करावेत, असेही प्रशासनाने नमूद केले आहे.
मुख्य शासकीय ध्वजारोहण समारंभासाठी स्थानिक लोकप्रतिनिधी, स्वातंत्र्य सैनिक, शहीद जवानांचे कुटुंबीय तसेच आणीबाणीच्या काळात कारावास भोगलेल्या व्यक्तींना निमंत्रित करण्यात आले आहे. कार्यक्रम सुरू होण्यापूर्वी किमान १५ मिनिटे आधी उपस्थितांनी आसनस्थ व्हावे, तसेच सुरक्षिततेच्या दृष्टीने कोणतीही बॅग किंवा साहित्य सोबत आणू नये, असे निर्देश देण्यात आले आहेत.
अधिकाधिक नागरिकांना हा राष्ट्रीय सोहळा पाहता यावा यासाठी प्रशासनाकडून वेबसाईटद्वारे थेट प्रक्षेपणाची व्यवस्था करण्यात येणार आहे. त्यामुळे नागरिकांना घरबसल्या प्रजासत्ताक दिनाचा मुख्य शासकीय कार्यक्रम पाहण्याची संधी उपलब्ध होणार आहे.
हेही वाचा: संगीतकार पलाश मुच्छलविरोधात सांगली पोलीस अधीक्षकांकडे तक्रार; चौकशीची मागणी.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
