सांगली : शिराळा खुर्द (ता. शिराळा) येथे गावातील वादाने हिंसक वळण घेत सरपंच शर्मिला दत्ताजीराव आंदळकर यांच्या पतीवर डेअरीत घुसून हल्ला झाल्याची घटना घडली आहे. या प्रकरणी शिराळा पोलिस ठाण्यात गुन्हा नोंद करण्यात आला आहे.
पोलिसांत दाखल झालेल्या फिर्यादीनुसार, 27 फेब्रुवारी रोजी सायंकाळी सुमारे 7 वाजता आंदळकर दूध डेअरीसमोर वाद सुरू झाला. सुर्यकांत केसरकर यांनी शिवीगाळ केल्यानंतर त्यांचा मुलगा ओम केसरकर हा हातात लोखंडी गज घेऊन तेथे आला. दत्ताजीराव आंदळकर हे डेअरीत गेल्यानंतर दरवाजा ढकलून ओम केसरकर आत शिरला आणि त्यांच्या डोक्याच्या डाव्या बाजूस लोखंडी गजाने जोरात वार केला. या मारहाणीमुळे त्यांच्या डोक्याला दुखापत होऊन रक्तस्त्राव झाला.
भांडण सोडविण्यासाठी गेलेल्या सरिता आंदळकर यांनाही खाली पाडून पोटावर व पायावर मारहाण करण्यात आल्याचे फिर्यादीत नमूद आहे.
गोंधळाच्या दरम्यान सरिता आंदळकर यांच्या गळ्यातील सुमारे 2 लाख 50 हजार रुपये किमतीचा पाच तोळे वजनाचा सोन्याचा राणीहार तसेच डेअरीच्या ड्रॉवरमध्ये ठेवलेली सुमारे 90 हजार रुपये रोख रक्कम गायब झाल्याची नोंद करण्यात आली आहे.
याशिवाय प्रशांत पाटील हा कु-हाड घेऊन आल्याचा तसेच विश्वास पाटील यांनी काठीने मारहाण केल्याचा उल्लेख आहे. इतर काही जणांनीही शिवीगाळ व जिवे मारण्याच्या धमक्या दिल्याची माहिती पोलिसांत देण्यात आली आहे.
या प्रकरणी सुर्यकांत केसरकर, ओम केसरकर आणि इतर संबंधितांविरुद्ध गुन्हा दाखल करण्यात आला असून पोलीस पुढील तपास करीत आहेत.
हेही वाचा: सांगली–मिरजमध्ये माजी सैनिकांसाठी सुरक्षा रक्षक भरती; 12 मार्च शेवटची तारीख.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
