कडेगाव : वांगी (ता. कडेगाव) येथे घरासमोर बसलेल्या 75 वर्षीय वृद्धेची सोन्याची बोरमाळ हिसकावून पळ काढणाऱ्या दाम्पत्याला चिंचणी-वांगी पोलिसांनी अटक केली आहे. या कारवाईत तीन गुन्हे उघडकीस आले असून सुमारे 1 लाख 15 हजार रुपयांचा मुद्देमाल जप्त करण्यात आला आहे.
14 फेब्रुवारी रोजी दुपारी शालन माळी या आपल्या घरासमोर बसल्या असताना पाणी मागण्याच्या बहाण्याने एक अनोळखी दाम्पत्य घरात आले. संधी साधून त्यांनी माळी यांच्या गळ्यातील सोन्याची बोरमाळ हिसकावून पलायन केले. याप्रकरणी चिंचणी-वांगी पोलिस ठाण्यात गुन्हा नोंद करण्यात आला होता.
तपासादरम्यान पोलिसांना मिळालेल्या गुप्त माहितीनुसार प्रमोद माळी आणि रेश्मा साठे (सध्या रा. वांगी) यांना ताब्यात घेण्यात आले. चौकशीत त्यांनी गुन्ह्याची कबुली दिल्याचे पोलिसांकडून सांगण्यात आले आहे.
चौकशीदरम्यान प्रमोद माळी याने कडेगाव व विटा पोलिस ठाण्याच्या हद्दीतून दुचाकी चोरल्याचेही उघड झाले आले. चोरीतील मुद्देमाल जप्त करण्यात आला असून पोलिसांनी दोघांविरुद्ध पुढील कायदेशीर कारवाई सुरू केली असून प्रकरणाचा तपास सुरू आहे.
हेही वाचा : दिघंची पेट्रोल पंपावर मीटर रीडिंगमध्ये फेरफार; 9.22 लाखांचा अपहार केल्याचा आरोप, तिघांविरुद्ध गुन्हा दाखल.
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
