कडेगाव : ढाणेवाडी (ता. कडेगाव) येथे उसाच्या वाड्याच्या कारणावरून झालेल्या वादानंतर झालेल्या मारहाणीत एका तरुण शेतकऱ्याचा मृत्यू झाल्याची धक्कादायक घटना समोर आली आहे. विनायक प्रभाकर ढाणे (वय ३५, रा. ढाणेवाडी) असे मृत शेतकऱ्याचे नाव आहे. या घटनेनंतर परिसरात तणावाचे वातावरण निर्माण झाले असून पोलिसांनी तपास सुरू केला आहे.
मिळालेल्या माहितीनुसार, ढाणेवाडी येथील विनायक ढाणे यांच्या चुलत्यांची उसाची शेती आहे. गुरुवारी (दि. २९) सकाळी साडेनऊच्या सुमारास उसाचे वाडे देण्यावरून काही तरुणांशी विनायक यांचा वाद झाला. हा वाद पुढे वाढत गेला आणि त्यातून संबंधित तरुणांनी विनायक यांना लाथा-बुक्क्यांनी मारहाण केल्याचा आरोप करण्यात आला आहे.
मारहाणीनंतर विनायक यांची प्रकृती अचानक खालावली. नातेवाईकांनी त्यांना तातडीने कडेगाव येथील रुग्णालयात दाखल केले; मात्र उपचार सुरू होण्यापूर्वीच डॉक्टरांनी त्यांना मृत घोषित केले.
विनायक ढाणे यांचा मृत्यू नेमका मारहाणीमुळे झाला की अन्य कोणत्या कारणामुळे, याबाबत सध्या स्पष्टता नसून उत्तरीय तपासणी अहवालानंतरच मृत्यूचे नेमके कारण समोर येईल, असे पोलिसांनी सांगितले. घटनेची नोंद संबंधित पोलीस ठाण्यात करण्यात आली असून पुढील तपास सुरू आहे.
हेही वाचा: जिल्हा परिषद–पंचायत समिती निवडणूक कार्यक्रमात बदल; 7 फेब्रुवारीला मतदान, 9 फेब्रुवारीला मतमोजणी.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
