सांगली : राज्यात जाहीर करण्यात आलेल्या तीन दिवसांच्या राजकीय दुखवट्यामुळे जिल्हा परिषद व पंचायत समित्यांच्या सार्वत्रिक निवडणुकांच्या उर्वरित टप्प्यांच्या कार्यक्रमात बदल करण्यात आला आहे. यानुसार, पूर्वी 5 फेब्रुवारी 2026 रोजी होणारे मतदान आता 7 फेब्रुवारी 2026 रोजी घेण्यात येणार असून, मतमोजणीची तारीखही बदलून 9 फेब्रुवारी 2026 करण्यात आली आहे.
राज्य निवडणूक आयोगाकडून याबाबत सुधारित कार्यक्रम जाहीर करण्यात आला असून, संबंधित जिल्हाधिकाऱ्यांनी 31 जानेवारी 2026 रोजी सुधारित निवडणूक कार्यक्रमाची अधिसूचना प्रसिद्ध करावी, असे निर्देश देण्यात आले आहेत.
सुधारित कार्यक्रमानुसार, 7 फेब्रुवारी रोजी सकाळी 7.30 ते सायंकाळी 5.30 या वेळेत मतदान होणार आहे. त्यामुळे निवडणूक प्रचाराची अधिकृत मुदत 5 फेब्रुवारी 2026 रोजी रात्री 10 वाजता संपणार आहे. त्यानंतर 9 फेब्रुवारी 2026 रोजी सकाळी 10 वाजल्यापासून मतमोजणी सुरू होईल.
मतमोजणी पूर्ण होऊन निकाल जाहीर झाल्यानंतर संबंधित भागातील आचारसंहिता संपुष्टात येईल. निवडून आलेल्या सदस्यांची नावे 11 फेब्रुवारी 2026 पर्यंत शासन राजपत्रात प्रसिद्ध करण्यात येणार असल्याची माहिती देण्यात आली आहे.
हा सुधारित निवडणूक कार्यक्रम राज्यातील 12 जिल्हा परिषदांमधील आणि त्याअंतर्गत असलेल्या 125 पंचायत समित्यांसाठी लागू राहणार आहे. त्यामुळे सांगली जिल्ह्यातील मतदारांनी तसेच उमेदवारांनी बदललेल्या तारखांची नोंद घ्यावी, असे आवाहन प्रशासनाकडून करण्यात आले आहे.
हेही वाचा: उपमुख्यमंत्री अजित पवार यांच्या अकाली निधनामुळे सांगली महापालिकेतील सत्तास्थापनेच्या हालचालींना ब्रेक.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
