सांगली : संजयनगर येथील अष्टसिद्धी हनुमान मंदिराच्या भव्य प्राणप्रतिष्ठा सोहळ्याचे आयोजन करण्यात आले असून हा सोहळा 14 ते 20 डिसेंबर 2025 या कालावधीत पार पडणार आहे. श्री हनुमानाच्या कृपेने आणि भक्तांच्या सहकार्याने हा धार्मिक-सांस्कृतिक उत्सव मोठ्या उत्साहात साजरा केला जाणार आहे.
सोहळ्याच्या कालावधीत शांतिपाठ, वास्तुशांती, हवन, शोभायात्रा, मूर्ती प्राणप्रतिष्ठा, हरिकीर्तन, प्रवचन तसेच महाप्रसाद व भक्तिमय सांस्कृतिक कार्यक्रमांचे आयोजन करण्यात आले आहे. संपूर्ण सप्ताहभर मंदिर परिसर भक्तिरसात न्हालेला असणार आहे.
या प्राणप्रतिष्ठा सोहळ्यात विविध संत-महंत, कीर्तनकार आणि मान्यवर उपस्थित राहणार असून भाविकांसाठी विशेष धार्मिक कार्यक्रमांची आखणी करण्यात आली आहे. आयोजकांकडून सर्व भाविकांनी कुटुंबासह उपस्थित राहून या ऐतिहासिक सोहळ्याची शोभा वाढवावी, असे आवाहन करण्यात आले आहे.
अष्टसिद्धी हनुमान मंदिर प्राणप्रतिष्ठा सोहळा हा केवळ धार्मिक कार्यक्रम नसून भक्ती, श्रद्धा आणि सांस्कृतिक एकतेचे प्रतीक ठरणार असल्याचे आयोजकांनी सांगितले.
हेही वाचा: लाडकी बहीण योजनेत e-KYC दुरुस्तीसाठी मिळणार एकच संधी.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
