Ladki Bahin Yojana Ekyc Correction Last Chance | सांगली : मुख्यमंत्री माझी लाडकी बहीण योजनेतील लाभार्थी महिलांसाठी महत्त्वाची माहिती समोर आली आहे. e-KYC प्रक्रियेदरम्यान झालेल्या चुका दुरुस्त करण्यासाठी शासनाकडून केवळ एकदाच अंतिम संधी देण्यात येणार असून ही संधी 31 डिसेंबर 2025 पर्यंत उपलब्ध असणार आहे.
राज्यातील बहुतांश लाडक्या बहिणी ग्रामीण आणि दुर्गम भागातील असल्याने e-KYC करताना चुकांची शक्यता अधिक असल्याचे निदर्शनास आले आहे. यासंदर्भात अनेक लाभार्थींनी आणि विविध स्तरांतून महिला व बालविकास विभागाकडे निवेदने सादर करण्यात आली होती. या पार्श्वभूमीवर शासनाने हा निर्णय घेतला आहे.
महिला सक्षमीकरणाच्या उद्देशाने राबविण्यात येणाऱ्या या योजनेत कोणतीही पात्र महिला वंचित राहू नये, यासाठी e-KYC मधील त्रुटी सुधारण्याची ही एकमेव संधी देण्यात आली आहे. ठरलेल्या मुदतीनंतर e-KYC दुरुस्तीची परवानगी मिळणार नसल्याने लाभार्थींनी वेळेत प्रक्रिया पूर्ण करण्याचे आवाहन करण्यात आले आहे.
दरम्यान, ज्या लाभार्थी महिलांचे पती किंवा वडील हयात नाहीत, अशा महिलांसाठीही e-KYC प्रक्रिया पूर्ण करता यावी यासाठी पोर्टलवर विशेष सुविधा उपलब्ध करून देण्यात आली आहे. त्यामुळे विधवा, एकल किंवा निराधार महिलांना दिलासा मिळाला आहे.
e-KYC प्रक्रिया अधिक सुलभ, सोपी आणि पारदर्शक करण्यासाठी महिला व बालविकास विभाग प्रयत्नशील असून, जास्तीत जास्त पात्र महिलांना मुख्यमंत्री माझी लाडकी बहीण योजनेचा लाभ मिळावा यासाठी विभाग कटिबद्ध असल्याचे महिला व बालविकास मंत्री आदिती तटकरे यांनी स्पष्ट केले आहे.
हेही वाचा : पुढील पाच दिवस थंडीचा कडाका; कृषी विभागाचा इशारा.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
