सांगली : सांगली शहरात लग्नाचे आमिष दाखवून अल्पवयीन मुलीवर लैंगिक अत्याचार केल्याचा गंभीर प्रकार समोर आला आहे. पीडिता गर्भवती राहिल्यानंतर हा प्रकार उघडकीस आला असून, तिच्या फिर्यादीवरून सांगली शहर पोलिस ठाण्यात आरोपीविरोधात बलात्कार तसेच पोक्सो कायद्यान्वये गुन्हा दाखल करण्यात आला आहे.
रोहित चव्हाण (रा. समतानगर, वेअरहाऊसजवळ, गल्ली क्रमांक 9, मिरज) याच्यावर गुन्हा नोंदवण्यात आला आहे. पीडित अल्पवयीन मुलगी सांगली शहरातील एका भागात वास्तव्यास असून तिची आरोपीशी ओळख होती. या ओळखीचा गैरफायदा घेत आरोपीने तिला प्रेमाच्या जाळ्यात ओढले व लग्नाचे आमिष दाखवले, असे फिर्यादीत नमूद करण्यात आले आहे.
मार्च 2025 मध्ये आरोपीने तिला शहरातील एका उपनगरात स्वतंत्र खोलीत ठेवले. त्या ठिकाणी डिसेंबर 2025 पर्यंत तिच्याशी वारंवार जबरदस्तीने शारीरिक संबंध ठेवण्यात आल्याचा आरोप आहे. या अत्याचारामुळे पीडिता गर्भवती राहिल्याचे वैद्यकीय तपासणीत स्पष्ट झाले.
पीडितेने रोहित चव्हाण याच्या विरोधात पोलिसांत तक्रार दाखल केली. त्यानुसार पोलिसांनी आरोपीविरोधात संबंधित कलमान्वये गुन्हा नोंदवून पुढील तपास सुरू केला आहे.
हेही वाचा: मोटारसायकल चोरांची जोडी जेरबंद; चार दुचाकी जप्त, कर्नाटकातूनही वाहनचोरीची कबुली.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
