ईश्वरपूर : शहरातील वाघवाडी रस्त्यालगत असलेल्या वृंदावन लॉजमध्ये सुरू असलेला कुंटणखाना पोलिसांनी शुक्रवारी सायंकाळी केलेल्या कारवाईत उद्ध्वस्त केला. या कारवाईत लॉजचा व्यवस्थापक आणि दोन एजंटांना अटक करण्यात आली असून परराज्यातील एका युवतीची सुटका करण्यात आली आहे.
अटक करण्यात आलेल्यांमध्ये लॉज व्यवस्थापक अभिजित बळवंत पाटील (वय 33, रा. संभाजी चौक, ईश्वरपूर), एजंट अमोल शामराव फार्णे (वय 35, रा. तिरंगा चौक, ईश्वरपूर) आणि परशुराम भास्कर हांडे (वय 30, रा. दत्तनगर, कामेरी रोड, ईश्वरपूर) यांचा समावेश आहे. न्यायालयाने शनिवारी तिघांनाही तीन दिवसांची पोलिस कोठडी सुनावली आहे.
सांगली पोलिसांच्या अनैतिक मानवी वाहतूक प्रतिबंधक कक्षाला वृंदावन लॉजमध्ये अवैध वेश्याव्यवसाय सुरू असल्याची गोपनीय माहिती मिळाली होती. त्यानुसार निरीक्षक जोतीराम पाटील यांच्या मार्गदर्शनाखाली पोलिसांचे पथक ईश्वरपूर येथे दाखल झाले. सायंकाळी साडेपाचच्या सुमारास पोलिसांनी बोगस ग्राहक पाठवून व्यवहाराची खात्री केली.
अवैध व्यवसाय सुरू असल्याचे स्पष्ट होताच पोलिसांनी छापा टाकून तिघा संशयितांना ताब्यात घेतले. यावेळी परराज्यातून आणलेल्या एका युवतीची सुटका करण्यात आली. कारवाईदरम्यान बोगस ग्राहकाने दिलेली रक्कम, संशयितांचे मोबाईल फोन आणि लॉजचे रजिस्टर जप्त करण्यात आले.
या प्रकरणी ईश्वरपूर पोलिस ठाण्यात गुन्हा दाखल करण्यात आला असून सहायक पोलिस उपनिरीक्षक सुवर्णा गोडबोले यांनी फिर्याद दिली असून पुढील तपास सुरू असल्याची माहिती पोलिसांनी दिली.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
