सांगली : सांगली-मिरज-कुपवाड शहर महानगरपालिकेच्या निवडणुकांचे बिगुल अखेर वाजले आहे. राज्य निवडणूक आयोगाने सोमवारी जाहीर केलेल्या निवडणूक कार्यक्रमानुसार 15 जानेवारी 2026 रोजी मतदान, तर 16 जानेवारी रोजी मतमोजणी व निकाल जाहीर होणार आहेत. या घोषणेसोबतच सांगली जिल्ह्यात आजपासून आचारसंहिता लागू करण्यात आली आहे.
महानगरपालिका निवडणुकीसाठी सांगली-मिरज-कुपवाड क्षेत्रात प्रशासकीय तयारी अंतिम टप्प्यात असून मतदान केंद्रे, कर्मचारी नियुक्ती आणि सुरक्षेचे नियोजन सुरू करण्यात आले आहे. शहरातील सर्व प्रभागांमध्ये ईव्हीएमद्वारे मतदान प्रक्रिया पार पडणार आहे.
निवडणूक कार्यक्रमानुसार उमेदवारी अर्ज दाखल करण्याची प्रक्रिया 23 ते 30 डिसेंबर 2025 या कालावधीत होणार आहे. 31 डिसेंबर रोजी अर्जांची छाननी, 2 जानेवारीला उमेदवारी माघार, तर 3 जानेवारी 2026 रोजी अंतिम उमेदवारांची यादी आणि निवडणूक चिन्हे जाहीर केली जाणार आहेत.
राज्य निवडणूक आयोगाने स्पष्ट केले आहे की, 1 जुलै 2025 रोजी अधिसूचित करण्यात आलेली मतदार यादीच सांगली-मिरज-कुपवाड महापालिका निवडणुकीसाठी वापरण्यात येणार असून कोणतेही नाव नव्याने समाविष्ट करण्याचा किंवा वगळण्याचा अधिकार आयोगाकडे नाही.
महापालिका निवडणुकीच्या पार्श्वभूमीवर सांगली-मिरज-कुपवाडमध्ये राजकीय हालचालींना वेग आला असून भाजप, काँग्रेस, राष्ट्रवादी आणि इतर पक्षांकडून उमेदवार निवड, सर्वेक्षण आणि संघटनात्मक बैठका सुरू झाल्या आहेत. निवडणूक जाहीर होताच प्रचाराची रणधुमाळी अधिक तीव्र होण्याची शक्यता व्यक्त केली जात आहे.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
