सांगली : पुण्यश्लोक राजमाता अहिल्यादेवी होळकर यांच्या जाज्वल्य, लोककल्याणकारी आणि प्रेरणादायी कार्याची आठवण जपणारा भव्य अश्वारूढ पुतळा सांगली शहरात उभारण्यात आला असून, या पुतळ्याचे लोकार्पण आज मुख्यमंत्री देवेंद्र फडणवीस यांच्या हस्ते पार पडले. यावेळी मुख्यमंत्री फडणवीस यांनी अहिल्यादेवी होळकर यांच्या पुतळ्याला विनम्र अभिवादन करून त्यांच्या कार्याचा गौरव केला.
सांगलीकरांच्या भावनांचा आदर ठेवत जिल्हा नियोजन निधीतून उभारण्यात आलेला हा पुतळा नव्या पिढीला इतिहासातून प्रेरणा देणारा ठरेल, असा विश्वास यावेळी व्यक्त करण्यात आला. हा सोहळा सांगलीसाठी ऐतिहासिक ठरला.
या लोकार्पण कार्यक्रमाला सांगली जिल्ह्याचे पालकमंत्री चंद्रकांतदादा पाटील यांच्यासह जिल्हाधिकारी अशोक काकडे, महापालिका आयुक्त सत्यम गांधी, पोलीस अधीक्षक संदीप घुगे, जिल्हा परिषदेचे मुख्य कार्यकारी अधिकारी विशाल नरवाडे, खासदार विशाल पाटील, माजी मंत्री डॉ. सुरेश खाडे यांच्यासह विविध मान्यवर, लोकप्रतिनिधी आणि पुतळा समितीचे पदाधिकारी मोठ्या संख्येने उपस्थित होते.
पुण्यश्लोक अहिल्यादेवी होळकर यांच्या न्यायप्रिय कारभाराची, समाजसुधारणेची आणि लोकहिताच्या कार्याची परंपरा जपणारा हा पुतळा सांगली शहराच्या वैभवात भर घालणारा ठरेल, अशी भावना यावेळी उपस्थितांनी व्यक्त केली.
हेही वाचा: काळ्या खणीत आढळला सांगलीतील बेपत्ता युवकाचा मृतदेह.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
