सांगली : सांगली-मिरज-कुपवाड शहर महानगरपालिकेच्या निवडणुकांचे बिगुल अखेर वाजले आहे. राज्य निवडणूक आयोगाने सोमवारी जाहीर केलेल्या निवडणूक कार्यक्रमानुसार 15 जानेवारी 2026 रोजी मतदान, तर 16 जानेवारी रोजी मतमोजणी व निकाल जाहीर होणार आहेत. या घोषणेसोबतच सांगली जिल्ह्यात आजपासून आचारसंहिता लागू करण्यात आली आहे.
महानगरपालिका निवडणुकीसाठी सांगली-मिरज-कुपवाड क्षेत्रात प्रशासकीय तयारी अंतिम टप्प्यात असून मतदान केंद्रे, कर्मचारी नियुक्ती आणि सुरक्षेचे नियोजन सुरू करण्यात आले आहे. शहरातील सर्व प्रभागांमध्ये ईव्हीएमद्वारे मतदान प्रक्रिया पार पडणार आहे.
निवडणूक कार्यक्रमानुसार उमेदवारी अर्ज दाखल करण्याची प्रक्रिया 23 ते 30 डिसेंबर 2025 या कालावधीत होणार आहे. 31 डिसेंबर रोजी अर्जांची छाननी, 2 जानेवारीला उमेदवारी माघार, तर 3 जानेवारी 2026 रोजी अंतिम उमेदवारांची यादी आणि निवडणूक चिन्हे जाहीर केली जाणार आहेत.
राज्य निवडणूक आयोगाने स्पष्ट केले आहे की, 1 जुलै 2025 रोजी अधिसूचित करण्यात आलेली मतदार यादीच सांगली-मिरज-कुपवाड महापालिका निवडणुकीसाठी वापरण्यात येणार असून कोणतेही नाव नव्याने समाविष्ट करण्याचा किंवा वगळण्याचा अधिकार आयोगाकडे नाही.
महापालिका निवडणुकीच्या पार्श्वभूमीवर सांगली-मिरज-कुपवाडमध्ये राजकीय हालचालींना वेग आला असून भाजप, काँग्रेस, राष्ट्रवादी आणि इतर पक्षांकडून उमेदवार निवड, सर्वेक्षण आणि संघटनात्मक बैठका सुरू झाल्या आहेत. निवडणूक जाहीर होताच प्रचाराची रणधुमाळी अधिक तीव्र होण्याची शक्यता व्यक्त केली जात आहे.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
