Sangli News | सांगली : नागपूर–गोवा शक्तिपीठ महामार्गाला राज्य सरकारकडून ‘गेमचेंजर प्रकल्प’ म्हणून पुढे नेले जात असतानाच, सांगली जिल्ह्यात या महामार्गावरून मतभेद तीव्र होताना दिसत आहेत. एकीकडे मुख्यमंत्री देवेंद्र फडणवीस यांच्या नेतृत्वाखाली हा महामार्ग मराठवाडा, पश्चिम महाराष्ट्र आणि कोकणाला जोडणारा विकासाचा दुवा ठरणार असल्याचा दावा केला जात आहे, तर दुसरीकडे सांगली–कोल्हापूर जिल्ह्यातील शेतकरी संघटनांकडून तीव्र विरोध व्यक्त केला जात आहे.
राज्य सरकारच्या मते, नागपूर–गोवा शक्तिपीठ महामार्गाचे नवे संरेखन सोलापूर आणि सांगली जिल्ह्यांमधून नेण्यात येणार असून, त्यामुळे दुष्काळग्रस्त भागांना मोठा दिलासा मिळेल. प्रमुख शक्तिपीठे आणि तीर्थक्षेत्रे जोडली जाणार असल्याने पर्यटन, वाहतूक आणि रोजगाराच्या संधी वाढतील, असा सरकारचा दावा आहे. विशेषतः मराठवाड्यासाठी हा महामार्ग आर्थिक परिवर्तनाची दिशा देणारा ठरेल, असे समर्थकांचे म्हणणे आहे.
मात्र सांगलीत याला विरोधाचा सूरही तितकाच तीव्र आहे. शक्तिपीठ महामार्ग बाधित शेती बचाव कृती समितीने मुख्यमंत्री फडणवीस यांच्या भूमिकेवर थेट प्रश्न उपस्थित केला आहे. “समांतर महामार्ग आधीपासून अस्तित्वात असताना नव्या महामार्गासाठी सुपीक, बागायती जमिनी का घेतल्या जात आहेत?” असा सवाल समितीचे उमेश देशमुख, सतीश साखळकर आणि महेश खराडे यांनी केला आहे.
विशेषतः वाळवा तालुक्यासह सांगली आणि कोल्हापूर जिल्ह्यातील बारमाही पिकांची जमीन या महामार्गामुळे बाधित होणार असल्याचा आरोप करण्यात येत आहे. शेतकऱ्यांच्या उपजीविकेवर गदा येत असल्याने हा महामार्ग रद्द होईपर्यंत लढा सुरूच राहील, असा इशाराही कृती समितीने दिला आहे.
या पार्श्वभूमीवर सांगली जिल्ह्यात राजकीय हालचालींनाही वेग आला आहे. याआधी सांगली–पेठनाका रस्त्याच्या रुंदीकरणावेळी शेतकऱ्यांच्या जमिनी वाचवण्यासाठी भूमिका घेतलेल्या लोकप्रतिनिधींची या शक्तिपीठ महामार्गावर नेमकी भूमिका काय राहील, याकडेही लक्ष लागले आहे.
एकीकडे विकास, पर्यटन आणि रोजगाराच्या संधींचा दावा, तर दुसरीकडे शेती, जमीन आणि उपजीविकेचा प्रश्न यामुळे नागपूर–गोवा शक्तिपीठ महामार्ग हा सांगली जिल्ह्यासाठी विकासाचा मार्ग ठरणार की संघर्षाचा मुद्दा, हे येत्या काळात स्पष्ट होईल.
हेही वाचा: डॉ. पतंगराव कदमांच्या दूरदृष्टीचे स्मरण; विजयनगर न्यायालयात तैलचित्राचे अनावरण.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
