Sankh Taluka | Sangli News : जत : जत तालुका भौगोलिकदृष्ट्या अत्यंत विस्तीर्ण असल्याने नागरिकांना दैनंदिन प्रशासकीय कामकाजासाठी मोठ्या अडचणींचा सामना करावा लागत आहे. या पार्श्वभूमीवर संख स्वतंत्र व पर्यायी तालुका व्हावा या मागणीसाठी संख येथील ग्रामस्थांनी बेमुदत आमरण उपोषण सुरू केले आहे.
या आंदोलनाला पाठिंबा देण्यासाठी जतचे माजी आमदार विक्रम सावंत यांनी मंगळवारी संख येथील छत्रपती शिवाजी महाराज चौकात भेट देत उपोषणकर्त्यांशी थेट संवाद साधला. ग्रामस्थांच्या समस्या, अडचणी आणि अपेक्षा जाणून घेत सावंत यांनी या मागणीला जाहीर पाठिंबा दिला.
विक्रम सावंत म्हणाले की, “संख स्वतंत्र तालुका व्हावा ही मागणी केवळ एका गावापुरती मर्यादित नसून संपूर्ण परिसराच्या प्रशासकीय सोयी, विकास आणि नागरिकांच्या मूलभूत हक्कांशी संबंधित आहे. जत तालुक्याचा विस्तार पाहता स्वतंत्र तालुक्याची गरज वास्तववादी आहे.”
ते पुढे म्हणाले की, लोकशाही मार्गाने सुरू असलेल्या या आंदोलनाकडे शासनाने सकारात्मक दृष्टीने पाहावे आणि या प्रश्नावर शासन स्तरावर ठोस निर्णय घ्यावा. संख व परिसरातील नागरिकांना न्याय मिळण्यासाठी आपण सातत्याने पाठपुरावा करणार असल्याचेही त्यांनी स्पष्ट केले.
संख स्वतंत्र तालुका निर्मितीमुळे प्रशासकीय कामकाज सुलभ होईल, नागरिकांचा वेळ व खर्च वाचेल, तसेच परिसराच्या सर्वांगीण विकासाला चालना मिळेल, अशी भूमिका आंदोलनकर्त्यांनी मांडली आहे.
हेही वाचा: ईश्वरपूरमध्ये अल्पवयीन मुलीवर लैंगिक अत्याचार; दोघे आरोपी अटकेत, पोक्सोअंतर्गत गुन्हा दाखल.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
