Ishwarpur News – सांगली | ईश्वरपूर : ईश्वरपूर शहरात इयत्ता आठवीत शिकणाऱ्या एका अल्पवयीन मुलीवर ओळखीतील दोघांनी लैंगिक अत्याचार केल्याची गंभीर घटना उघडकीस आली आहे. या प्रकरणी ईश्वरपूर पोलिसांनी तातडीने कारवाई करत दोघा आरोपींना अटक केली असून, त्यांच्यावर बाललैंगिक अत्याचार प्रतिबंधक कायदा (POCSO) अंतर्गत गुन्हा दाखल करण्यात आला आहे.
पोलिसांकडून मिळालेल्या माहितीनुसार, मंगळवारी सायंकाळी पीडित मुलीला फोन करून बाहेर बोलावण्यात आले. त्यानंतर आरोपींनी तिला दुचाकीवरून शहराबाहेरील एका उसाच्या शेतात नेले. तेथे तिच्यावर जबरदस्ती करण्यात आली. विरोध केल्याने तिला मारहाणही करण्यात आल्याचे प्राथमिक तपासात समोर आले आहे.
घटनेनंतर पीडिता मदतीसाठी चालत जात असताना स्थानिक नागरिकांच्या लक्षात आले. त्यांनी तत्काळ तिला मदत करून पोलिसांना माहिती दिली. पोलिसांनी पीडितेला सुरक्षित ताब्यात घेत वैद्यकीय तपासणी व समुपदेशनाची व्यवस्था केली.
या घटनेची माहिती मिळताच ईश्वरपूर पोलिसांनी जलद तपास सुरू करून काही तासांतच संशयितांना अटक केली. अटक करण्यात आलेल्या आरोपींपैकी एकावर यापूर्वीही गंभीर स्वरूपाचे गुन्हे दाखल असल्याची माहिती पोलिसांनी दिली.
घटनेनंतर ईश्वरपूर परिसरात संतापाची लाट उसळली असून, आरोपींवर कठोरात कठोर कारवाईची मागणी होत आहे. ईश्वरपूर पोलीस पुढील तपास करत आहेत.
हेही वाचा: हरवलेले बाळ आईच्या कुशीत परतले; सांगली पोलिसांनी केवळ तपास नाही, तर माणुसकी जपल्याचे जिवंत उदाहरण.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
