Sangli Today | सांगली : सांगली महानगरपालिका निवडणुकीच्या पार्श्वभूमीवर भाजप नेत्या जयश्री मदन पाटील यांनी आपल्या गटातील इच्छुक उमेदवारांची तयारी पूर्ण केली आहे. महायुती आणि महाआघाडीचा अंतिम निर्णय 23 डिसेंबरनंतरच होणार असल्याने उमेदवारांना सध्या प्रतीक्षेतच राहावे लागणार आहे.
भाजपकडून महायुतीसाठी हालचाली सुरू असून पालकमंत्री चंद्रकांत पाटील यांनी घटक पक्षांशी जागावाटपाबाबत चर्चा केल्याची माहिती आहे. या पार्श्वभूमीवर जयश्री पाटील यांनी आपल्या गटातील 25 इच्छुक उमेदवारांची यादी पक्षाकडे सादर केली आहे. या यादीत सहा विद्यमान नगरसेवकांचा समावेश असून, आगामी निवडणुकीत या गटाला योग्य प्रतिनिधित्व देण्याची मागणी करण्यात आली आहे.
सादर करण्यात आलेल्या यादीत संतोष पाटील, रोहिणी पाटील, उत्तम साखळकर, गजानन मगदूम, प्रशांत जिनगोंडा पाटील, पद्मश्री प्रशांत पाटील, प्रकाश मुळके, संजय कांबळे, विद्या नलवडे, शशिकला अजित दोरकर, आनंदा लेंगरे, शीतल लोंढे, प्रतीक राजमाने यांच्यासह इतर नावांचा समावेश आहे.
महायुतीतील जागावाटप आणि उमेदवार निवडीबाबतचा अंतिम निर्णय 23 डिसेंबरनंतर होण्याची शक्यता असून, त्यानंतरच अधिकृत उमेदवार यादी स्पष्ट होणार आहे. त्यामुळे भाजपसह सर्वच पक्षांतील इच्छुकांचे लक्ष पुढील काही दिवसांत होणाऱ्या निर्णयाकडे लागले आहे.
हेही वाचा: शिराळ्यात महायुतीचा विजय; पृथ्वीसिंग नाईक नगराध्यक्ष, चुरशीच्या लढतीत बहुमत मिळवले.
- शिराळ्यातील बेलदारवाडी जिल्हा परिषद प्राथमिक शाळेत प्रवेशोत्सव उत्साहात; विद्यार्थ्यांना मोफत गणवेश, पुस्तके
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
