Sangli Today | मिरज : शहरातील डॉ. बाबासाहेब आंबेडकर उद्यानाच्या पाठीमागे सुरू असलेल्या अवैध गॅस रिफिलिंग अड्ड्यावर महात्मा गांधी चौकी पोलिसांनी छापा टाकून कारवाई केली. या कारवाईत एका संशयिताला ताब्यात घेण्यात आले असून सुमारे २० हजार रुपयांचा मुद्देमाल जप्त करण्यात आला आहे.
या प्रकरणी गौस गोपी बोजगार (वय ३२, रा. गुरुवार पेठ, मिरज) असे ताब्यात घेतलेल्या संशयिताचे नाव आहे. पोलिसांनी दिलेल्या माहितीनुसार, डॉ. आंबेडकर उद्यानाच्या मागील बाजूस असलेल्या एका खोक्यातून अवैधपणे गॅस रिफिलिंग सुरू असल्याची गोपनीय माहिती महात्मा गांधी चौकी पोलिसांना मिळाली होती.
मिळालेल्या माहितीनुसार पोलिसांनी तातडीने घटनास्थळी धाव घेत छापा टाकला. त्यावेळी संशयित गौस बोजगार हा एका रिक्षामध्ये गॅस सिलेंडरमधून रिफिलिंग करत असल्याचे आढळून आले. पोलिसांनी त्याला ताब्यात घेऊन त्याच्याकडून गॅस सिलेंडर टाकी, वजनकाटा तसेच रिफिलिंगसाठी वापरली जाणारी मोटर असा एकूण सुमारे २० हजार रुपयांचा मुद्देमाल जप्त केला.
या प्रकरणी संशयिताविरुद्ध संबंधित कलमान्वये गुन्हा दाखल करण्यात आला असून महात्मा गांधी चौकी पोलीस पुढील तपास करीत आहेत.
हेही वाचा: अंध बांधवांना आता सहजपणे ‘वाचता’ येणार; जिल्हा परिषद प्रशासनाचा अभिनव उपक्रम.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
