सांगली : सांगली–मिरज–कुपवाड महानगरपालिकेच्या सार्वत्रिक निवडणुकांच्या पार्श्वभूमीवर निवडणूक प्रचाराची अंतिम मुदत निश्चित करण्यात आली आहे. राज्य निवडणूक आयोगाकडून देण्यात आलेल्या माहितीनुसार, 13 जानेवारी 2026 रोजी सायंकाळी 5.30 वाजल्यानंतर कोणत्याही प्रकारचे निवडणूकविषयक प्रचार किंवा जाहिराती करता येणार नाहीत.
या वेळेनंतर इलेक्ट्रॉनिक माध्यमे, मुद्रित माध्यमे तसेच इतर कोणत्याही प्रसारमाध्यमांद्वारे निवडणूकविषयक जाहिराती प्रसिद्ध किंवा प्रसारित करण्यास बंदी राहणार आहे. या संदर्भात राज्य निवडणूक आयुक्त दिनेश वाघमारे यांनी नोंदणीकृत व मान्यताप्राप्त राजकीय पक्षांच्या प्रतिनिधींसोबत झालेल्या बैठकीत ही माहिती दिली.
निवडणूक प्रक्रियेबाबत स्पष्टता देताना आयोगाने उमेदवारी अर्जासंदर्भातील नियमही अधोरेखित केले आहेत. इच्छुक उमेदवाराचे नाव संबंधित महानगरपालिकेच्या मतदार यादीत असणे आवश्यक असून, सूचक व अनुमोदकाचे नाव मात्र उमेदवार ज्या प्रभागातून निवडणूक लढवत आहे, त्याच प्रभागातील मतदार यादीत असणे बंधनकारक आहे.
पक्षाचे उमेदवार तसेच अपक्ष उमेदवार यांना प्रत्येकी एक सूचक आणि एक अनुमोदक आवश्यक असतो. उमेदवार एकापेक्षा अधिक प्रभागात नामनिर्देशनपत्र दाखल करू शकतो; मात्र एका प्रभागातील एका जागेसाठीच निवडणूक लढवता येणार असून, त्या एका जागेसाठी जास्तीत जास्त चार नामनिर्देशनपत्रे दाखल करता येतील, अशी माहिती आयोगाचे सचिव सुरेश काकाणी यांनी सादरीकरणादरम्यान दिली.
महानगरपालिकेच्या निवडणुकांच्या पार्श्वभूमीवर प्रचार, उमेदवारी आणि माध्यमांबाबत लागू करण्यात आलेल्या या नियमांचे पालन करणे सर्व राजकीय पक्ष, उमेदवार आणि माध्यमांसाठी बंधनकारक राहणार असल्याचे अधिकृत माहितीतून स्पष्ट करण्यात आले आहे.
हेही वाचा: सांगलीत आढळले बिबट्याचे तीन नवजात बछडे; वनविभाग सतर्क, परिसरात कॅमेरे व गस्त.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
