सांगली : तुंग–कारंदवाडी शिव हद्दीतील शेतफडात ऊसतोड सुरू असताना बिबट्याचे तीन नवजात बछडे आढळून आल्याने परिसरात एकच खळबळ उडाली. सदाशिव दळवी यांच्या शेतात सकाळी सुमारे अकराच्या सुमारास ही बाब लक्षात आली.
घटनेची माहिती मिळताच सांगली वनविभागाच्या पथकाने तातडीने घटनास्थळी धाव घेतली. वनकर्मचाऱ्यांनी शेताची पाहणी करून बछड्यांना सुरक्षित ताब्यात घेतले. प्राथमिक तपासणीत हे बछडे अंदाजे आठ ते दहा दिवसांचे असून ते अशक्त अवस्थेत असल्याचे निदर्शनास आले.
पशुवैद्यकीय अधिकाऱ्यांनी बछड्यांची तपासणी करून आवश्यक प्राथमिक उपचार तसेच अन्न दिले. मादी बिबट्या पुन्हा बछड्यांच्या शोधात परिसरात येण्याची शक्यता लक्षात घेऊन वनविभागाने शेतफड आणि आजूबाजूच्या परिसरात कॅमेरे बसवले आहेत. शिराळा वनविभागाच्या पथकाकडून या भागात सतत गस्त सुरू करण्यात आली आहे.
दरम्यान, नागरिकांनी व शेतकऱ्यांनी रात्रीच्या वेळी शेतात जाणे टाळावे, तसेच बिबट्याचा वावर दिसून आल्यास तातडीने वनविभागाशी संपर्क साधावा, असे आवाहन वनविभागाकडून करण्यात आले आहे.
हेही वाचा: उमेदवारी अर्जांच्या विक्रीला मोठा प्रतिसाद; दोन दिवसांत 1,146 अर्जांची विक्री.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
