सांगली : सांगली–मिरज–कुपवाड महानगरपालिका निवडणुकीच्या पार्श्वभूमीवर उमेदवारी अर्जांच्या विक्रीला मोठा प्रतिसाद मिळत असल्याचे चित्र आहे. महानगरपालिका प्रशासनाकडून देण्यात आलेल्या माहितीनुसार, अर्ज विक्रीच्या पहिल्या दोन दिवसांत एकूण 1,146 उमेदवारी अर्जांची विक्री झाली आहे.
पहिल्या दिवशी 574, तर दुसऱ्या दिवशी 572 उमेदवारी अर्जांची विक्री झाली आहे. ही अर्ज विक्री शहरातील सहा निवडणूक निर्णय अधिकारी कार्यालयांमधून करण्यात आली.
प्रशासनाच्या माहितीनुसार, निवडणूक निर्णय अधिकारी कार्यालय क्रमांक 4 क्षेत्रात सर्वाधिक 220 अर्जांची विक्री झाली आहे. त्यापाठोपाठ निवडणूक निर्णय अधिकारी कार्यालय क्रमांक 6 क्षेत्रात 211 अर्जांची विक्री झाली आहे. दुसऱ्या दिवशी निवडणूक निर्णय अधिकारी कार्यालय क्रमांक 2 आणि 4 येथे अर्ज विक्रीत लक्षणीय वाढ झाल्याचेही प्रशासनाकडून सांगण्यात आले आहे.
उमेदवारी अर्ज विक्रीसाठी सर्व कार्यालयांमध्ये आवश्यक मनुष्यबळ, माहिती कक्ष तसेच इतर सुविधा उपलब्ध करून देण्यात आल्याचे प्रशासनाने स्पष्ट केले आहे. सध्या केवळ अर्ज विक्रीची प्रक्रिया सुरू असून, इच्छुक उमेदवारांनी सर्व आवश्यक कागदपत्रांची तयारी ठेवावी, असे आवाहन प्रशासनाकडून करण्यात आले आहे.
हेही वाचा: महापालिका निवडणुकीत कुणाची युती? सांगली–मिरज–कुपवाडमध्ये जागावाटपावरून राजकीय संभ्रम कायम.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
