सांगली : सांगली–मिरज–कुपवाड महापालिका निवडणुकीसाठी उमेदवारी अर्ज भरण्याची प्रक्रिया सुरू झाली असली, तरी प्रमुख राजकीय आघाड्या आणि युतींमधील जागावाटपाचा तिढा अद्याप सुटलेला नाही. निवडणुकीचा बिगुल वाजल्यानंतर सर्व पक्ष तयारीला लागले आहेत; मात्र पक्षीय युती होणार की पक्ष स्वबळावर लढणार, याबाबत अद्याप संभ्रम आहे.
महायुतीमध्ये भारतीय जनता पक्षाकडून मोठ्या प्रमाणावर जागांची मागणी करण्यात येत असल्याची चर्चा आहे. भाजप ५० हून अधिक जागांवर दावा करत असल्याचे सांगितले जात आहे, तर राष्ट्रवादी काँग्रेस अजित पवार गटाकडून सुमारे ३० जागांची अपेक्षा व्यक्त करण्यात आली आहे. या मागण्यांवर दोन्ही पक्षांचे अद्याप एकमत होत नसल्याचे चित्र आहे.
दरम्यान, मिरजेत अजित पवार गटात आजी-माजी नगरसेवक तसेच माजी महापौरांचा प्रवेश झाल्यामुळे अजित पवार गटाच्या अपेक्षा वाढल्या आहेत. अपेक्षित जागावाटप न झाल्यास अजित पवार गट स्वबळावर निवडणूक लढवण्याच्या हालचाली सुरू झाल्याची चर्चा राजकीय वर्तुळात आहे.
दुसरीकडे, महाविकास आघाडीतही काँग्रेस, राष्ट्रवादी काँग्रेस शरद पवार गट आणि शिवसेना उद्धव ठाकरे गट यांच्यात जागावाटपावरून मतभेद कायम असल्याचे दिसून येते.
निवडणूक अर्ज मागे घेण्याच्या अंतिम तारखेपर्यंत तर हा जागावाटपाचा तिढा सुटेल की नाही, याबाबत सध्या तरी अनिश्चितता आहे. त्यामुळे सांगली–मिरज–कुपवाड महापालिका निवडणुकीत पक्षीय युती की स्वबळ, हे चित्र पुढील काही दिवसांत स्पष्ट होण्याची शक्यता आहे
हेही वाचा: सांगली पोलिस ॲक्शन मोडवर; दोन टोळ्यांवर ‘मोक्का’चा प्रस्ताव, 1500 गुन्हेगारांवर प्रतिबंधात्मक कारवाई.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
