सांगली : सांगली–मिरज–कुपवाड महापालिका निवडणूक शांततेत आणि कायदा-सुव्यवस्थेच्या वातावरणात पार पडावी यासाठी जिल्हा पोलिस यंत्रणा सतर्क झाली आहे. निवडणूक पार्श्वभूमीवर संघटित गुन्हेगारी आणि सराईत गुन्हेगारांवर कडक कारवाई सुरू करण्यात आली असून, सांगली व मिरज परिसरातील दोन टोळ्यांतील 16 संशयित गुन्हेगारांविरोधात ‘महाराष्ट्र संघटित गुन्हेगारी नियंत्रण कायदा’ (मोक्का) अंतर्गत कारवाईचा प्रस्ताव तयार करण्यात आला आहे.
पोलिस अधीक्षक संदीप घुगे यांनी दिलेल्या माहितीनुसार, गेल्या काही वर्षांत वारंवार गुन्हे दाखल असलेल्या तसेच निवडणूक काळात कायदा-सुव्यवस्थेला धोका निर्माण करू शकणाऱ्या सुमारे 1500 गुन्हेगारांवर प्रतिबंधात्मक कारवाई करण्यात येणार आहे. यामध्ये नोटिसा, तडीपारी, बंधपत्रे आदी उपाययोजनांचा समावेश आहे.
365 शस्त्र परवाने रद्द
निवडणूक काळात शस्त्रांचा गैरवापर होऊ नये यासाठी जिल्ह्यातील 365 शस्त्र परवाने रद्द करण्यात आले आहेत. यामध्ये प्रामुख्याने मृत व्यक्तींच्या नावावरील परवाने तसेच शारीरिकदृष्ट्या अक्षम व्यक्तींच्या परवान्यांचा समावेश असल्याचे पोलिसांकडून सांगण्यात आले.
कोंबिंग ऑपरेशन, नाकाबंदी आणि अतिरिक्त बंदोबस्त
महापालिका क्षेत्रात निवडणूक काळात कोंबिंग ऑपरेशन, ठिकठिकाणी नाकाबंदी, तसेच संवेदनशील भागांमध्ये अतिरिक्त पोलिस बंदोबस्त तैनात केला जाणार आहे. स्ट्राँग रूमच्या सुरक्षेसाठी राज्य राखीव पोलिस दल (SRPF) तैनात करण्यात येणार असून, परजिल्ह्यातून सुमारे 700 होमगार्ड सांगलीत दाखल होणार आहेत.
याशिवाय, जिल्ह्यात 14 पोलिस निरीक्षक, 70 सहायक पोलिस निरीक्षक व पोलिस उपनिरीक्षक, तसेच 1110 पोलिस अंमलदारांचा निवडणूक बंदोबस्तासाठी तैनात केले जाणार आहेत.
मोक्का प्रस्ताव वरिष्ठ अधिकाऱ्यांकडे
संघटित गुन्हेगारी संदर्भातील ‘मोक्का’चा प्रस्ताव कोल्हापूर परिक्षेत्राच्या विशेष पोलिस महानिरीक्षकांकडे पाठवण्यात आला असून, पुढील कायदेशीर प्रक्रिया त्यांच्या मान्यतेनंतर राबवली जाणार आहे.
निवडणूक काळात कायदा-सुव्यवस्था अबाधित राखण्यासाठी पोलिस प्रशासन पूर्ण क्षमतेने कार्यरत असून, नागरिकांनी सहकार्य करावे, असे आवाहन पोलिस अधीक्षकांकडून करण्यात आले आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
