सांगली : सांगली–मिरज–कुपवाड महानगरपालिकेच्या सार्वत्रिक निवडणुकीच्या पार्श्वभूमीवर महाविकास आघाडीतील काँग्रेस व राष्ट्रवादी काँग्रेस (शरदचंद्र पवार गट) पक्षाच्या इच्छुकांच्या संयुक्त मुलाखती आज पार पडल्या. आमराई क्लब येथे सकाळी दहा वाजल्यापासून सायंकाळपर्यंत या मुलाखती घेण्यात आल्या.
या मुलाखती खासदार विशाल पाटील, आमदार जयंत पाटील आणि आमदार विश्वजित कदम यांनी घेतल्या. मुलाखतीदरम्यान इच्छुक उमेदवारांचे प्रभागातील सामाजिक काम, जनसंपर्क, संघटनात्मक भूमिका तसेच स्थानिक पातळीवरील कार्याचा आढावा घेण्यात आला.
महापालिका निवडणुकीच्या पार्श्वभूमीवर इच्छुक आणि त्यांच्या समर्थकांची मोठी उपस्थिती या वेळी दिसून आली. कार्यक्रमस्थळी शहरातील विविध प्रभागांमधून इच्छुक उमेदवार सहभागी झाले होते.
या वेळी राष्ट्रवादी काँग्रेस शरद पवार गटाचे शहर जिल्हाध्यक्ष संजय बजाज आणि काँग्रेसचे शहर जिल्हाध्यक्ष राजेश नाईक यांच्यासह आघाडीतील प्रमुख पदाधिकारी उपस्थित होते.
दरम्यान, निवडणूक प्रक्रियेच्या पुढील टप्प्यांबाबत अधिकृत निर्णय पक्षाकडून लवकरच जाहीर करण्यात येणार असल्याचे पदाधिकाऱ्यांनी सांगितले.
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
