सांगली : मिरज तालुक्यातील कर्नाळ गावात गेल्या चार वर्षांपासून दररोज सकाळी ९.१५ वाजता सामुदायिक राष्ट्रगीत गायन केले जाते. या उपक्रमांतर्गत गावातील नागरिक दररोज राष्ट्रगीतासाठी उपस्थित राहून सामुदायिक राष्ट्रगीत गायन करतात.
कर्नाळ ग्रामपंचायत आणि स्थानिक सहकार्याच्या माध्यमातून हा उपक्रम सुरू असून, गावात सामाजिक शिस्त आणि एकजुटीची भावना निर्माण होत असल्याचे ग्रामस्थांकडून सांगण्यात येते.
या उपक्रमाची पाहणी करण्यासाठी जिल्हाधिकारी अशोक काकडे आणि जिल्हा परिषदेचे मुख्य कार्यकारी अधिकारी विशाल नरवाडे यांनी नुकतीच कर्नाळ गावास भेट दिली. यावेळी त्यांनी ग्रामस्थांसोबत राष्ट्रगीत गायनात सहभाग घेतला व या उपक्रमाबाबत माहिती जाणून घेतली.
भेटीदरम्यान ग्रामपंचायत, अंगणवाडी, शाळा व इतर स्थानिक संस्थांच्या कामकाजाचाही आढावा घेण्यात आला. यावेळी सरपंच संध्या कांबळे, उपसरपंच रोहन एडके, ग्रामपंचायत सदस्य, महसूल व पंचायत विभागाचे अधिकारी तसेच ग्रामस्थ उपस्थित होते.
हेही वाचा: तीन वर्षांत मोठ्या परताव्याचे आमिष; सांगलीत लाखोंची फसवणूक, दोघांविरोधात गुन्हा दाखल.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
