सांगली : कळंबा कारागृहातून जामिनावर बाहेर आलेल्या एका आरोपीच्या स्वागतासाठी सांगली शहरात सार्वजनिक ठिकाणी जमाव जमवून आतिषबाजी केल्याप्रकरणी 14 जणांविरुद्ध सांगली शहर पोलिस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, वैभव नंदू साळसकर (रा. गवळी गल्ली, सांगली) हा आरोपी जामिनावर बाहेर आल्यानंतर बुधवारी दुपारच्या सुमारास सांगलीत दाखल झाला. यावेळी त्याच्या समर्थकांनी सार्वजनिक ठिकाणी एकत्र येत फटाके फोडून आनंद व्यक्त केला. या प्रकारामुळे परिसरात गोंधळ निर्माण झाला.
जिल्हाधिकाऱ्यांनी दिलेल्या आदेशाचा भंग करत बेकायदा जमाव जमविल्याप्रकरणी गुन्हा दाखल करण्यात आला, याप्रकरणी अभिजित नंदू साळसकर, साहिल सय्यद, अमित उर्फ गोट्या कांबळे, गणेश पवार, सूरज माने, अक्षय गायकवाड (सर्व रा. गवळी गल्ली, सांगली) आणि आकाश घबाडे (रा. सांगलीवाडी) यांच्यासह इतर अनोळखी व्यक्तींवर गुन्हा दाखल करण्यात आला आहे.
पोलिस कर्मचारी विशाल कोळी यांनी या प्रकरणाची फिर्याद दिली असून, पुढील तपास सुरू असल्याची माहिती पोलिसांनी दिली आहे.
हेही वाचा: सांगलीतील ‘या’ गावात चार वर्षांपासून दररोज केल जात आहे सामुदायिक राष्ट्रगीत गायन.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
