सांगली : सांगली–मिरज–कुपवाड महानगरपालिका सार्वत्रिक निवडणूक २०२५–२६ च्या पार्श्वभूमीवर शहरातील विविध प्रभागांमध्ये राजकीय हालचालींना वेग येताना दिसत आहे. याच पार्श्वभूमीवर प्रभाग क्रमांक १२ मध्ये माजी नगरसेविका विमलताई हिप्परकर तसेच राष्ट्रवादी युवक काँग्रेसचे माजी शहर जिल्हाध्यक्ष विशाल हिप्परकर यांनी भारतीय जनता पक्षात अधिकृत प्रवेश केला आहे.
हा पक्षप्रवेश भारतीय जनता पक्षाचे महापालिका निवडणूक प्रमुख शेखर इनामदार यांच्या उपस्थितीत हिप्परकर यांच्या निवासस्थानी पार पडल्याची माहिती समोर आली आहे. यावेळी दोघांचे पक्षात स्वागत करण्यात आले.
पक्षप्रवेशानंतर बोलताना विमलताई व विशाल हिप्परकर यांनी भारतीय जनता पक्षासोबत कार्य करण्याची भूमिका स्पष्ट केली, अशी माहिती पक्षाकडून देण्यात आली आहे.
या वेळी प्रभाग क्रमांक १२ मधून भाजपकडून निवडणूक लढवत असलेले उमेदवार धीरज सूर्यवंशी, तसेच पैलवान दिलीपराव सूर्यवंशी, अशोक सूर्यवंशी, पांडुरंग हिप्परकर यांच्यासह पक्षाचे पदाधिकारी व स्थानिक कार्यकर्ते उपस्थित होते.
महापालिका निवडणुकीच्या पार्श्वभूमीवर प्रभाग क्रमांक १२ मधील ही राजकीय घडामोड स्थानिक पातळीवर चर्चेचा विषय बनली आहे.
हेही वाचा: सोशल मीडिया, पेड न्यूज व राजकीय जाहिरातींसाठी नवे नियम लागू; महापालिका स्तरावर MCMC समिती गठीत.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
