सांगली : सांगली–मिरज–कुपवाड शहर महानगरपालिका निवडणुकीच्या पार्श्वभूमीवर मतदारांचा सहभाग वाढवण्यासाठी महाराष्ट्र शासनाने गुरुवार, 15 जानेवारी 2026 रोजी सार्वजनिक सुट्टी जाहीर केली आहे. ही सुट्टी राज्यातील ज्या महापालिका क्षेत्रांमध्ये मतदान होणार आहे, त्या सर्व ठिकाणी लागू राहणार आहे.
राज्य प्रशासनाने जारी केलेल्या अधिकृत अधिसूचनेनुसार, राज्यातील एकूण 29 महापालिका क्षेत्रांमध्ये मतदानाच्या दिवशी सार्वजनिक सुट्टी राहील. यामध्ये सांगली–मिरज–कुपवाडसह मुंबई महानगर प्रदेशातील तसेच राज्यातील इतर महत्त्वाच्या महापालिकांचा समावेश आहे.
या आदेशानुसार, मतदानाच्या दिवशी संबंधित महापालिका हद्दीत कार्यरत असणारी शासकीय व निमशासकीय कार्यालये, मंडळे, महामंडळे, बँका बंद राहणार आहेत. केंद्र शासनाची कार्यालये तसेच सार्वजनिक क्षेत्रातील आस्थापनांनाही ही सुटी लागू राहणार आहे.
महत्त्वाचे म्हणजे, ज्या मतदारांची नावे संबंधित महापालिका मतदार यादीत आहेत, पण जे मतदानाच्या दिवशी आपल्या मतदारसंघाबाहेर नोकरी, शासकीय कामकाज किंवा अन्य कारणास्तव कार्यरत आहेत, अशा मतदारांनाही मतदानाचा हक्क बजावता यावा यासाठी ही सुट्टी लागू राहील, असेही अधिसूचनेत स्पष्ट करण्यात आले आहे.
मतदानाच्या दिवशी मतदारसंघाबाहेर नोकरी करणाऱ्या मतदारांना अडथळा येऊ नये आणि जास्तीत जास्त मतदारांना मतदान प्रक्रियेत सहभागी होता यावे, या उद्देशाने हा निर्णय घेण्यात आल्याचे प्रशासनाकडून सांगण्यात आले आहे.
हेही वाचा: सांगलीत तृतीयपंथीयांना ‘या’ राष्ट्रीय हेल्पलाईनचा वापर करण्याचे समाजकल्याण विभागाचे आवाहन.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
