सांगली : तृतीयपंथीय व्यक्तींच्या समस्या व तक्रारींचे निराकरण करण्यासाठी केंद्र शासनाने सुरू केलेली राष्ट्रीय हेल्पलाईन सेवा अधिक प्रभावीपणे वापरावी, असे आवाहन समाजकल्याण विभागाचे सहाय्यक आयुक्त बाळासाहेब कामत यांनी केले आहे.
मिळालेल्या माहितीनुसार, तृतीयपंथीयांच्या हक्कांचे संरक्षण व कल्याण सुनिश्चित करण्यासाठी केंद्र शासनाने तृतीयपंथीय व्यक्तींच्या हक्कांचे संरक्षण अधिनियम 2019 व नियम 2020 लागू केले आहेत. या कायद्यांच्या अंमलबजावणीसाठी नॅशनल हेल्पलाईन क्रमांक 14427 कार्यान्वित असून, तक्रार नोंदवणे, मार्गदर्शन व मदत मिळवण्यासाठी ही सेवा वापरता येते.
यासोबतच, सामाजिक न्याय व अधिकारिता मंत्रालय, नवी दिल्ली यांच्या माध्यमातून (National Portal for Transgender Person) https://transgender.dosje.gov.in/ हे स्वतंत्र ऑनलाईन पोर्टल 25 नोव्हेंबर 2020 पासून सुरू करण्यात आले आहे. या पोर्टलच्या माध्यमातून तृतीयपंथीय व्यक्तींना ओळखपत्र व प्रमाणपत्रासाठी ऑनलाईन अर्ज करण्याची सुविधा उपलब्ध आहे.
तृतीयपंथीय समुदायाने त्यांच्या हक्कांबाबतची माहिती मिळवण्यासाठी तसेच समस्या मांडण्यासाठी अधिकृत हेल्पलाईन आणि पोर्टलचा वापर करावा, असे आवाहनात नमूद करण्यात आले आहे.
हेही वाचा: वाढते अपघात रोखण्यासाठी रस्ता सुरक्षा ही सामाजिक चळवळ व्हावी – जिल्हाधिकारी अशोक काकडे.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
