सांगली : सांगली–मिरज–कुपवाड महानगरपालिका निवडणुकीच्या मतदानाला अवघे काहीच दिवस शिल्लक असताना राष्ट्रवादी काँग्रेस (अजित पवार गट) पक्षाचे प्रभाग क्र. ८ मधील उमेदवार माजी नगरसेवक विष्णू माने यांना जीवे मारण्याची धमकी दिल्याचा प्रकार समोर आला आहे. याप्रकरणी विष्णू माने यांनी निलेश गडदे यांच्याविरोधात संजयनगर पोलीस ठाण्यात तक्रार दाखल केली असून, पोलिसांनी अदखलपात्र गुन्ह्याची नोंद केली आहे.
पोलिसांकडून मिळालेल्या माहितीनुसार, उमेदवार विष्णू माने हे श्रीहल धेंडे यांच्यासोबत बसले असताना धेंडे यांच्या मोबाईलवरील व्हॉटसअ‍ॅपवर निलेश गडदे यांच्याकडून संवाद साधण्यात आला. संबंधित व्यक्तीने माने यांच्याशी थेट बोलण्याची मागणी करत, पूर्वीच्या एका प्रकरणाचा उल्लेख करत जीवे मारण्याची धमकी दिल्याचा आरोप तक्रारीत करण्यात आला आहे.
तक्रारीनुसार, या संवादादरम्यान माने यांना तसेच त्यांच्या कुटुंबीयांना इजा करण्याची भाषा वापरण्यात आल्याचे नमूद करण्यात आले आहे. या घटनेनंतर विष्णू माने यांनी तातडीने संजयनगर पोलीस ठाण्यात धाव घेत लेखी तक्रार दाखल केली.
या तक्रारीच्या आधारे पोलिसांनी निलेश गडदे यांच्याविरोधात अदखलपात्र गुन्हा दाखल केला असून, पुढील तपास सुरू असल्याची माहिती पोलिस सूत्रांनी दिली आहे.
महानगरपालिका निवडणुकीच्या तोंडावर घडलेल्या या घटनेमुळे स्थानिक राजकीय वर्तुळात चर्चेला उधाण आले असून, निवडणूक काळात कायदा व सुव्यवस्था अबाधित राखण्यासाठी आवश्यक खबरदारी घेतली जात असल्याचे पोलिसांकडून सांगण्यात आले आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
