सांगली : सांगली महापालिका निवडणुकीदरम्यान पक्षाविरोधी भूमिका घेतल्याच्या कारणावरून भाजपने सांगली शहरातील माजी नगरसेवक आणि पदाधिकाऱ्यांवर शिस्तभंग कारवाई केली आहे. पक्षाने तात्काळ नऊ जणांचे सहा वर्षांसाठी निलंबन केल्याने स्थानिक राजकीय वर्तुळात खळबळ उडाली आहे.
भाजप सांगली शहर जिल्हाध्यक्ष प्रकाश ढंग यांनी ५ जानेवारी रोजी आदेश काढून ही कारवाई केली असून, शनिवारी ती अधिकृतपणे जाहीर करण्यात आली. निलंबन करण्यात आलेल्यांमध्ये युवराज बावडेकर, कल्पना कोळेकर, सोनाली सागरे यांच्यासह एकूण नऊ माजी नगरसेवक व पदाधिकाऱ्यांचा समावेश आहे.
पक्षाकडून जारी करण्यात आलेल्या पत्रानुसार, संबंधितांनी पदाधिकारी असतानाही पक्षविरोधी भूमिका घेऊन निवडणूक लढवली. त्यामुळे पक्षशिस्तीचा गंभीर भंग झाला असून, भाजपची प्रतिमा मलिन करणारे वर्तन केल्याचा ठपका ठेवण्यात आला आहे. ही बाब गंभीर असल्याने कोणतीही पूर्वसूचना न देता थेट सहा वर्षांसाठी निलंबनाची कारवाई करण्यात आल्याचे आदेशात नमूद करण्यात आले आहे.
निलंबित करण्यात आलेल्यांमध्ये सुजित राजाराम काटे, युवराज सतीश बावडेकर, रविंद्र भैरू ढगे, दीपक माने, अक्षय पाटील, प्रियानंद कांबळे, सौ. कल्पना कोळेकर, सौ. सोनाली सागरे आणि महेश सागरे यांचा समावेश आहे.
निलंबनाच्या कालावधीत संबंधित व्यक्तींना पक्षाच्या प्राथमिक सदस्यत्वासह सर्व पदांपासून दूर ठेवण्यात आले असून, भाजपचे नाव, चिन्ह किंवा कोणत्याही प्रकारे पक्षाचे प्रतिनिधित्व करण्यास मनाई करण्यात आली आहे. यापुढे पक्षाबाबत गैरसमज पसरवणारा प्रचार केल्यास कायदेशीर कारवाईचा इशाराही भाजपकडून देण्यात आला आहे.
हेही वाचा: मिरज ग्रामीण भागात ट्रॅक्टर-ब्लोअर चोरी करणाऱ्या आंतरराज्य टोळीचा पर्दाफाश; ११ लाखांचा मुद्देमाल जप्त.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
