सांगली : मिरज ग्रामीण पोलीस ठाण्याच्या हद्दीत शेतकऱ्यांचे ट्रॅक्टर आणि ब्लोअर चोरी करणाऱ्या आंतरराज्य टोळीचा छडा लावण्यात पोलिसांना मोठे यश आले आहे. गुन्हे प्रकटीकरण शाखेने तांत्रिक तपासाच्या आधारे सुमारे ११ लाख रुपये किमतीचे तीन ट्रॅक्टर आणि तीन ब्लोअर जप्त केले असून, या प्रकरणात दोघांना अटक करण्यात आली आहे.
पोलीस सूत्रांकडून मिळालेल्या माहितीनुसार, मिरज ग्रामीण, भोसे परिसरात शेतकऱ्यांच्या शेतातून ट्रॅक्टर व ब्लोअर चोरी होत असल्याच्या तक्रारी समोर येत होत्या. सहाय्यक पोलीस निरीक्षक सुनील गुरव आणि त्यांच्या पथकाने गुप्त माहिती व तांत्रिक विश्लेषणाच्या आधारे तपास सुरू केला.
दोन संशयितांच्या अटकेनंतर उलगडा
या कारवाईत नंदकुमार चौगुले (रा. भोसे, ता. मिरज) आणि बसवराज हिप्परगी (रा. बेडरहट्टी, जि. बेळगाव, कर्नाटक) या दोघांना अटक करण्यात आली आहे. चौकशीत २०२४ आणि २०२५ दरम्यान मिरज ग्रामीण भागातून दोघांनी ट्रॅक्टर व ब्लोअर चोरी करून ते विक्री केल्याची माहिती समोर आली आहे.
११ लाख रुपये किंमतीच मुद्देमाल जप्त
पोलिसांनी तपासादरम्यान विविध ठिकाणांहून सुमारे २ लाख रुपये किमतीचा एक ट्रॅक्टर, ८० हजार रुपये किमतीचा ब्लोअर, २ लाख ७० हजार रुपये किमतीचा ‘कुबोटा’ ट्रॅक्टर, ५० हजार रुपये किमतीचा औषध फवारणी ब्लोअर, तसेच सुमारे ४ लाख रुपये किमतीचा ‘कुबोटा २१ HP’ ट्रॅक्टर जप्त केला आहे. या सर्व मुद्देमालाची एकूण किंमत अंदाजे ११ लाख रुपये असल्याची माहिती पोलिसांनी दिली आहे.
या प्रकरणात आणखी चोरीचे गुन्हे उघडकीस येण्याची शक्यता असल्याने, मिरज ग्रामीण पोलीस आणि गुन्हे प्रकटीकरण शाखेकडून या प्रकरणाचा पुढील तपास सुरू आहे.
हेही वाचा: जिल्ह्यात FDA कारवाई सुरू असतानाच MRP पेक्षा जास्त दराने सिगारेट विक्री सुरू.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
