सांगली : सांगली–मिरज–कुपवाड शहर महानगरपालिकेसाठी आज, १५ जानेवारी रोजी मतदान प्रक्रिया सुरू असताना, मागील म्हणजेच २०१८ सालच्या महानगरपालिका निवडणुकीत काय घडले होते, हे जाणून घेण्याची अनेक मतदारांना उत्सुकता आहे.
२०१८ मध्ये सांगली–मिरज–कुपवाड महानगरपालिकेची सार्वत्रिक निवडणूक १ ऑगस्ट रोजी पार पडली होती. त्या वेळी शहरातील एकूण २० प्रभागांमधून ७८ जागांसाठी निवडणूक घेण्यात आली होती. या निवडणुकीत तब्बल ४५१ उमेदवार रिंगणात होते.
त्या निवडणुकीत भारतीय जनता पक्षाने ४१ जागा जिंकत सर्वाधिक जागा मिळवल्या होत्या. काँग्रेस पक्षाला २० जागा मिळाल्या होत्या, तर राष्ट्रवादी काँग्रेस पक्षाने १५ जागांवर विजय मिळवला होता. उर्वरित जागांवर अपक्ष व इतर उमेदवार निवडून आले होते.
मतदानाच्या टक्केवारीबाबत पाहता, २०१८ मध्ये एकूण ६२.१७ टक्के मतदान झाले होते. त्या वेळी महानगरपालिकेतील एकूण मतदारसंख्या ४ लाख २४ हजार १७९ इतकी होती. यापैकी २ लाख ६३ हजार ७३२ मतदारांनी प्रत्यक्ष मतदानाचा हक्क बजावला होता. पुरुष मतदारांची संख्या २ लाख १५ हजार ५४७, महिला मतदारांची संख्या २ लाख ८ हजार ५९५, तर तृतीयपंथीय मतदारांची संख्या ३७ इतकी होती.
२०१८ च्या निवडणुकीत ७८ पैकी ३९ जागा महिलांसाठी राखीव होत्या. प्रवर्गनिहाय पाहता, ४५ जागा खुल्या प्रवर्गासाठी, ११ जागा अनुसूचित जातींसाठी, १ जागा अनुसूचित जमातीसाठी आणि २१ जागा मागासवर्गीय प्रवर्गासाठी राखीव होत्या.
दरम्यान, आज होत असलेल्या मतदानात सांगली–मिरज–कुपवाड महानगरपालिकेत एकूण ४ लाख ५४ हजार ४२८ मतदार मतदानासाठी पात्र आहेत. आजच्या मतदानानंतर उद्या, १६ जानेवारी रोजी मतमोजणी होणार असून, उद्या मतदारांनी दिलेला कौला स्पष्ट होणार आहे.
हेही वाचा: उत्साहात पार पडल्या सांगली जिल्हास्तरीय शालेय क्रीडा स्पर्धा; ZP CEO विशाल नरवाडे यांची प्रमुख उपस्थिती.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
