सांगली : सांगली–मिरज–कुपवाड शहर महानगरपालिकेसाठी आज, १५ जानेवारी रोजी मतदान प्रक्रिया सुरू असताना, प्रचार समाप्तीनंतर घरोघरी जाऊन प्रचार करण्याबाबत राज्य निवडणूक आयोगाने कोणताही नवीन आदेश जारी केलेला नसल्याचे स्पष्ट करण्यात आले आहे.
माहिती व जनसंपर्क महासंचालनालय (MahaDGIPR) यांनी दिलेल्या अधिकृत माहितीनुसार, जाहीर प्रचार संपल्यानंतर घरोघरी जाऊन प्रचार करण्यासंदर्भातील आदेश हा नवीन नसून, तो १४ फेब्रुवारी २०१२ रोजीच राज्य निवडणूक आयोगाने निर्गमित केलेला आहे.
सध्या समाजमाध्यमे व काही माध्यमांत प्रचार समाप्तीनंतर घरोघरी प्रचारासाठी नवीन नियम लागू करण्यात आल्याचे वृत्त प्रसारित होत आहे. मात्र, ते वृत्त वस्तुस्थितीला धरून नसल्याचे MahaDGIPR कडून स्पष्ट करण्यात आले आहे.
२०१२ च्या आदेशानुसार, जाहीर प्रचार समाप्तीनंतर उमेदवार हे मतदान केंद्राच्या १०० मीटरच्या बाहेर मतदारांना भेटून किंवा घरोघरी जाऊन प्रचार करू शकतात. मात्र, या काळात माईकचा वापर करता येणार नाही तसेच उमेदवारांना समूहाने फिरण्यास मनाई आहे.
राज्य निवडणूक आयोगाच्या या स्पष्टिकरणामुळे प्रचार नियमांबाबत पसरलेल्या गैरसमजांवर पडदा पडला असून, मतदारांनी व उमेदवारांनी अधिकृत आदेशांनुसारच वर्तन करावे, असे आवाहन करण्यात आले आहे.
हेही वाचा: आज १५ जानेवारी रोजी सांगलीत मतदान सुरू; मागील निवडणुकीतीचा निकाल, मतदान टक्केवारी व आकडेवारीवर एक नजर.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
