सांगली : सांगली–मिरज–कुपवाड शहर महानगरपालिकेच्या सार्वत्रिक निवडणूक २०२५–२६ चा निकाल जाहीर करण्यासाठी प्रशासनाने सर्व तयारी पूर्ण केली आहे. शुक्रवारी, १६ जानेवारी २०२६ रोजी मिरज येथील सेंट्रल वेअर हाऊसमध्ये मतमोजणी प्रक्रिया पार पडणार असून, ती पारदर्शक, शिस्तबद्ध आणि सुरक्षित वातावरणात होणार असल्याची माहिती निवडणूक प्रशासनाकडून देण्यात आली आहे.
शहरातील एकूण ५२७ मतदान केंद्रांवरील मतमोजणी सहा निवडणूक निर्णय अधिकारी (RO-१ ते RO-६) यांच्या थेट नियंत्रणाखाली होणार आहे. प्रत्येक RO अंतर्गत १४ टेबलांवर एकाच वेळी मतमोजणी केली जाणार असून, प्रभागांच्या विस्तारानुसार कमाल १० फेऱ्यांत संपूर्ण निकाल प्रक्रिया पूर्ण करण्याचे नियोजन आहे.
मतमोजणीची प्रत्यक्ष सुरुवात सकाळी १० वाजता होणार आहे. पहिल्या फेरीत प्रभाग क्रमांक १, ३, ५, ९, १२ आणि १५ येथील मतदान केंद्रांची मोजणी सुरू होईल, त्यानंतर उर्वरित प्रभागांची मतमोजणी टप्प्याटप्प्याने केली जाणार आहे.
प्रशासनाकडून स्पष्ट करण्यात आले आहे की, सर्व उमेदवार आणि त्यांच्या अधिकृत प्रतिनिधींनी सकाळी ९ वाजता मतमोजणी केंद्रावर उपस्थित राहणे बंधनकारक आहे. सुरक्षा कारणास्तव मतमोजणी हॉल व परिसरात मोबाईल फोन किंवा कोणतीही इलेक्ट्रॉनिक उपकरणे नेण्यास सक्त मनाई करण्यात आली आहे.
मतमोजणी सुरळीत व शांततेत पार पडावी यासाठी पोलीस बंदोबस्त, सीसीटीव्ही, प्रवेश नियंत्रण व्यवस्था तैनात करण्यात आली असून, सर्व RO आपापल्या विभागातील प्रक्रियेवर थेट देखरेख ठेवणार आहेत. सर्व ५२७ मतदान केंद्रांची मोजणी पूर्ण झाल्यानंतर अधिकृत निकाल जाहीर केला जाणार आहे.
हेही वाचा: मतमोजणीच्या दिवशी मिरज येथील सेंट्रल वेअरहाऊस परिसरात मनाई आदेश लागू.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
