सांगली : सांगली–मिरज–कुपवाड शहर महानगरपालिका सार्वत्रिक निवडणूक–2025 ची मतमोजणी शुक्रवार, 16 जानेवारी 2026 रोजी मिरज येथील सेंट्रल वेअरहाऊस येथे होणार आहे. मतमोजणी प्रक्रिया शांततेत, भयमुक्त व सुरळीत पार पडावी यासाठी जिल्हाधिकारी तथा जिल्हा दंडाधिकारी अशोक काकडे यांनी मनाई आदेश जारी केले आहेत.
जिल्हा प्रशासनाकडून जारी करण्यात आलेल्या आदेशानुसार, 16 जानेवारी रोजी पहाटे 00.01 वाजल्यापासून ते रात्री 23.59 वाजेपर्यंत सेंट्रल वेअरहाऊसपासून 200 मीटर परिसरात भारतीय नागरिक सुरक्षा संहिता 2023 च्या कलम 163 अंतर्गत विविध निर्बंध लागू राहणार आहेत.
या कालावधीत दोन किंवा त्यापेक्षा अधिक व्यक्तींचे एकत्र येणे, सभा घेणे, गटागटाने फिरणे किंवा उभे राहणे यास प्रतिबंध करण्यात आला आहे. तसेच शस्त्र, काठ्या, लाठ्या बाळगणे, वाहनांच्या सायलेन्सरमध्ये बदल करून मोठा आवाज करणे, स्पीकर किंवा साउंड सिस्टीम वापरणे यास मनाई करण्यात आली आहे.
यासोबतच, सोशल मीडियाच्या माध्यमातून जातीय तेढ निर्माण करणारा मजकूर प्रसारित करणे, गुलाल किंवा रंग उधळणे, आक्षेपार्ह घोषणाबाजी करणे तसेच भडक मजकुराचे फलक, बॅनर किंवा बोर्ड लावणे यांवरही कडक बंदी घालण्यात आली आहे.
मतमोजणीच्या दिवशी कायदा व सुव्यवस्था अबाधित राखण्यासाठी नागरिकांनी प्रशासनास सहकार्य करावे, असे आवाहन जिल्हा प्रशासनाकडून करण्यात आले आहे.
हेही वाचा: Hydrogen-CNG H-BAJA 2026 मध्ये TEAM AARYANS ची ऐतिहासिक कामगिरी; पटकावले 7 राष्ट्रीय पुरस्कार.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
