सांगली : शिख धर्माचे नववे गुरु श्री गुरु तेग बहादूर यांच्या ३५० व्या शहिदी समागम वर्षानिमित्त नांदेड येथे येत्या २४ आणि २५ जानेवारी रोजी भव्य कार्यक्रमाचे आयोजन करण्यात आले आहे. या कार्यक्रमात सांगली जिल्ह्यातील नागरिकांनी मोठ्या संख्येने सहभागी व्हावे, असे आवाहन जिल्हाधिकारी अशोक काकडे यांनी केले आहे.
धर्मस्वातंत्र्याच्या रक्षणासाठी सन १६७५ मध्ये गुरु तेग बहादूर यांनी दिलेले बलिदान अतुलनीय असून त्यांचा त्याग, धैर्य आणि मानवतेसाठीचा संघर्ष आजही प्रेरणादायी असल्याचे जिल्हाधिकारी काकडे यांनी सांगितले. ‘हिंद की चादर’ म्हणून ओळखले जाणारे गुरु तेग बहादूर यांचे योगदान भारतीय इतिहासात अत्यंत महत्त्वाचे असल्याचे त्यांनी सांगितले.
नांदेड येथे आयोजित या दोन दिवसीय शहिदी समागम कार्यक्रमात विविध धार्मिक व सांस्कृतिक उपक्रम होणार असून, या कार्यक्रमाला उपस्थित राहून सांगलीकरांनी या ऐतिहासिक सोहळ्याची शोभा वाढवावी, असे आवाहन जिल्हाधिकारी काकडे केले आहे.
हेही वाचा: जिल्हाधिकारी अशोक काकडे यांच्या मोतीबागेत ‘कृष्णाकाठचा साहित्य मेळावा’; प्रा. डॉ. तारा भवाळकर यांचा सन्मान.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
