मिरज : शीख समाजाचे नववे गुरू हिंद-दी-चादर श्री गुरू तेग बहादुर साहिब यांच्या ३५० व्या शहीदी वर्षानिमित्त मिरज येथील १२५ वी जयंती मागासवर्गीय मुलींच्या शासकीय वसतिगृहात विशेष कार्यक्रमाचे आयोजन करण्यात आले. या कार्यक्रमात गुरू तेग बहादुर साहिब यांच्या त्याग, मानवतावादी विचार आणि धार्मिक स्वातंत्र्यासाठी दिलेल्या बलिदानावर प्रकाश टाकण्यात आला.
या वेळी कार्यक्रमाचे प्रमुख पाहुणे म्हणून उपस्थित असलेले क्षेत्रीय समितीचे सदस्य सरदार भूपेंद्र सिंग यांनी मार्गदर्शन करताना सांगितले की, गुरू तेग बहादुर साहिब यांनी धर्मांतराला विरोध करत मानवता आणि धार्मिक स्वातंत्र्यासाठी आपले प्राण अर्पण केले. मानवता हाच त्यांचा खरा धर्म होता आणि त्यांचे विचार आजही समाजासाठी प्रेरणादायी आहेत, असे ते म्हणाले.
हा कार्यक्रम जिल्हाधिकारी अशोक काकडे आणि उपसंचालक (माहिती) प्रवीण टाके यांच्या मार्गदर्शनाखाली विभागीय माहिती कार्यालय कोल्हापूर, जिल्हा माहिती कार्यालय सांगली, जिल्हा अल्पसंख्याक अधिकारी कार्यालय आणि सामाजिक न्याय विभाग सांगली यांच्या संयुक्त विद्यमाने आयोजित करण्यात आला होता.
कार्यक्रमास जिल्हा अल्पसंख्याक अधिकारी तथा जिल्हा नियोजन अधिकारी अशोक पाटील, जिल्हा माहिती अधिकारी संप्रदा बीडकर, शासकीय वसतिगृहाचे गृहपाल पी. बी. शिंदे, ग्रंथी भाई जीवन सिंग, सरदार मनमोहन सिंग यांच्यासह अन्य मान्यवर उपस्थित होते.
यावेळी गुरू तेग बहादुर साहिब यांना हिंद-दी-चादर ही उपाधी त्यांच्या महान त्यागामुळेच प्राप्त झाल्याचे सांगण्यात आले. शहीदी वर्षाच्या निमित्ताने त्यांच्या विचारांचा आणि कार्याचा वारसा नव्या पिढीपर्यंत पोहोचवण्याचा उद्देश असल्याचे वक्त्यांनी स्पष्ट केले.
कार्यक्रमाचे सूत्रसंचालन वैष्णवी कोठावळे यांनी केले, तर आभार गृहपाल पी. बी. शिंदे यांनी मानले. कार्यक्रमास वसतिगृहातील विद्यार्थिनी मोठ्या संख्येने उपस्थित होत्या.
हेही वाचा: सांगली जिल्हा परिषद–पंचायत समिती निवडणूक 2026 साठी प्रचार जाहिरातींवर नवीन नियम लागू.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
