सांगली : सांगली, मिरज आणि कुपवाड शहर महानगरपालिकेच्या अग्निशमन विभागाचे मुख्य अग्निशमन अधिकारी सुनील माळी यांच्यावर मंगळवारी रात्री चाकूने हल्ला झाल्याची गंभीर घटना घडली. या हल्ल्यात माळी गंभीर जखमी झाले असून त्यांच्यावर सध्या खासगी रुग्णालयात उपचार सुरू आहेत. डॉक्टरांनी दिलेल्या माहितीनुसार त्यांची प्रकृती आता स्थिर आहे.
प्राप्त माहितीनुसार, सुनील माळी हे मंगळवारी सायंकाळी कार्यालयीन कामकाज आटोपून आपल्या निवासस्थानी परतले होते. रात्री सुमारे आठ वाजण्याच्या सुमारास घरासमोरच दबा धरून बसलेल्या हल्लेखोरांनी अचानक त्यांच्यावर हल्ला केला. या हल्ल्यात चाकू त्यांच्या छातीत घुसल्याने ते गंभीर जखमी झाले.
घटनेनंतर तातडीने त्यांना टिंबर एरिया परिसरातील एका खासगी रुग्णालयात दाखल करण्यात आले. प्राथमिक उपचारानंतर त्यांच्यावर दुसऱ्या एका रुग्णालयात शस्त्रक्रिया करण्यात आली. सध्या ते धोक्याबाहेर असल्याची माहिती पोलिसांनी दिली आहे.
या प्रकरणी सांगली शहर पोलिसांनी तत्काळ तपास सुरू केला असून घटनास्थळ परिसरातील सीसीटीव्ही फुटेज, मोबाईल लोकेशन आणि प्रत्यक्षदर्शींच्या माहितीच्या आधारे तपास करण्यात येत आहे. दरम्यान, या हल्ल्याप्रकरणी दोघा संशयितांना पोलिसांनी ताब्यात घेतले असून, आणखी एक संशयित फरार आहे. त्याचा शोध घेण्यासाठी स्वतंत्र पथके रवाना करण्यात आली आहेत.
पोलिस तपासात समोर आलेल्या माहितीनुसार, सुनील माळी यांचा काही दिवसांपूर्वी एका व्यक्तीसोबत वाद झाला होता. या पूर्वीच्या वादातूनच हा हल्ला झाल्याची शक्यता तपासात व्यक्त करण्यात येत आहे. यापूर्वीही काही महिन्यांपूर्वी त्यांच्यावर हल्ल्याचा प्रयत्न झाल्याची नोंद असून, त्या घटनेचा आणि सद्य हल्ल्याचा काही संबंध आहे का, याचाही तपास पोलिसांकडून केला जात आहे.
सुनील माळी हे महानगरपालिकेच्या अग्निशमन दलातील वरिष्ठ अधिकारी असल्याने या हल्ल्यामुळे शहरात एकच खळबळ उडाली असून, प्रशासन आणि पोलिस यंत्रणेकडून घटनेचा गांभीर्याने तपास सुरू आहे. हल्ल्यामागील नेमके कारण आणि आरोपींचा सहभाग तपास पूर्ण झाल्यानंतरच स्पष्ट होणार असल्याचे पोलिसांनी सांगितले.
हेही वाचा: सांगली-मिरज-कुपवाड महापालिकेच्या ‘गटनेते’पदी संदीप सुरेश आवटी यांची नियुक्ती.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
