ईश्वरपूर : ईश्वरपूर पोलिसांनी बेकायदा शस्त्र बाळगणाऱ्यांविरोधात मोठी कारवाई करत चार देशी बनावटीची पिस्तुले, जिवंत काडतुसे आणि एक मॅगझीन असा सुमारे अडीच लाख रुपयांचा शस्त्रसाठा जप्त केला आहे. या प्रकरणी साहील मोहन मिसाळ (वय 26, रा. कासेगाव, ता. वाळवा) याला अटक करण्यात आली असून त्याचा एक साथीदार फरार आहे.
बुधवारी रात्री पेठ–नेर्ले महामार्गावरील एका पेट्रोल पंपाजवळ संशयास्पद हालचाली आढळून आल्याने ईश्वरपूर पोलिसांचे पथक सतर्क झाले. रात्रगस्ती दरम्यान संशयिताला थांबवण्याचा प्रयत्न केला असता तो पळून जाण्याचा प्रयत्न करू लागला. मात्र पोलिसांनी पाठलाग करून त्याला ताब्यात घेतले.
पोलिसांनी केलेल्या चौकशीत आरोपीने बाजूच्या शेतात शस्त्रसाठा लपवून ठेवल्याची माहिती दिली. त्यानुसार कारवाई करत पोलिसांनी त्या ठिकाणाहून चार देशी बनावटीची पिस्तुले, जिवंत काडतुसे आणि एक मॅगझीन जप्त केली. हा शस्त्रसाठा कराड येथील सोहेल तांबोळी याच्याकडून आणल्याचे आरोपीने सांगितले असून तो सध्या फरार आहे.
या कारवाईची माहिती मिळताच जिल्हा पोलीस अधीक्षक संदीप घुगे आणि उपअधीक्षक अरुण पाटील यांनी घटनास्थळी भेट देऊन तपासाचा आढावा घेतला. तसेच या यशस्वी कारवाईबद्दल निरीक्षक सोमनाथ वाघ आणि त्यांच्या पथकाचे कौतुक करण्यात आले.
या प्रकरणी पोलीस हवालदार अमोल सावंत यांनी आरोपींविरोधात भारतीय शस्त्र अधिनियमाअंतर्गत गुन्हा दाखल केला आहे. फरार आरोपीचा शोध घेण्यासाठी पोलिसांची विशेष पथके रवाना करण्यात आली आहेत.
हेही वाचा: सांगली महापालिकेचे मुख्य अग्निशमन अधिकारी सुनील माळी यांच्यावर चाकूहल्ला; दोन संशयित ताब्यात, एकाचा शोध सुरू.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
