सांगली : सांगली जिल्हा मध्यवर्ती सहकारी बँक येथील नोकरभरती प्रक्रियेबाबत दाखल करण्यात आलेल्या याचिकेवरील सुनावणी उच्च न्यायालयाच्या कोल्हापूर खंडपीठात पुढे ढकलण्यात आली आहे. आता या प्रकरणाची सुनावणी १३ फेब्रुवारी रोजी होणार आहे.
सांगली जिल्हा बँकेला नोकरभरतीसाठी रिझर्व्ह बँक आणि शासनाची परवानगी मिळाल्यानंतर बँकेत कनिष्ठ लिपिक आणि शिपाई पदांसाठी भरती प्रक्रिया सुरू करण्यात आली होती. यासाठी एका खासगी कंपनीची नियुक्ती करण्यात आली होती. मात्र, त्यानंतर राज्य शासनाने या भरती प्रक्रियेला स्थगिती दिली होती.
शासनाने नोकरभरती प्रक्रिया ही फक्त आयबीपीएस, टीसीएस आणि एमकेसीएल या संस्थांमार्फतच राबवावी, असा आदेश दिला होता. तसेच, यापूर्वी अस्तित्वात असलेले सहा कंपन्यांचे पॅनल रद्द करण्यात आले होते. या निर्णयाविरोधात दाखल याचिकेवर उच्च न्यायालयाच्या नागपूर खंडपीठाने शासनाचा आदेश रद्द करत संबंधित कंपन्यांना नैसर्गिक न्याय देण्याचे निर्देश दिले होते.
या निर्देशांनुसार समिती स्थापन करून संबंधित कंपन्यांची बाजू ऐकण्याची प्रक्रिया सुरू केली आहे. दरम्यान, शासनाने घातलेल्या स्थगितीविरोधात सांगली जिल्हा बँकेने मुंबई उच्च न्यायालय, कोल्हापूर खंडपीठ येथे याचिका दाखल केली असून, या प्रकरणातील पुढील सुनावणी १३ फेब्रुवारीला होणार आहे.
हेही वाचा: सांगली जिल्ह्यात २,०३९ मतदान केंद्रे; ७ फेब्रुवारीला १८ लाख मतदार करणार मतदान.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
