सांगली : डाक जीवन विम्याच्या १४२व्या वर्धापन दिनानिमित्त सांगली टपाल विभागाने देशपातळीवर विक्रमी कामगिरी करत प्रथम क्रमांक पटकावला आहे. एका दिवसात तब्बल ५,२०२ नागरिकांचा एकूण १६६ कोटी रुपयांचा विमा उतरवण्यात आला असून, ७ कोटी ४१ लाख रुपयांहून अधिक हप्ता भरणा करण्यात आला आहे.
वर्धापनदिनानिमित्त देशभर राबविण्यात आलेल्या ‘महा लॉगिन डे’ उपक्रमात सांगली टपाल विभागाने सर्वाधिक पॉलिसी नोंदवून आघाडी घेतली. शहरी भागासाठी डाक जीवन विमा (PLI) तर ग्रामीण भागासाठी ग्रामीण टपाल जीवन विमा (RPLI) योजनेंतर्गत ही नोंदणी करण्यात आली.
या यशासाठी सांगली विभागातील सर्व मुख्य व उपटपाल कार्यालये तसेच कर्मचाऱ्यांनी समन्वयाने काम केल्याचे सांगण्यात आले. सांगलीच्या या कामगिरीमुळे महाराष्ट्र सर्कलनेही राज्यस्तरावर आघाडी घेतली असून, एकूण ८२० कोटी रुपयांहून अधिक विमा उतरवण्यात आला आहे.
डाक जीवन विमा सेवेवर जनतेचा असलेला विश्वास हीच या यशाची मुख्य ताकद असल्याचे टपाल विभागाच्या अधिकाऱ्यांनी सांगितले.
हेही वाचा: आचारसंहितेत मिरज महामार्गावर १५ किलो चांदी जप्त; महसूल व पोलिसांची संयुक्त कारवाई.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
