सांगली : जिल्हा परिषद व पंचायत समिती सार्वत्रिक निवडणूक २०२६ शांततेत पार पाडण्यासाठी सांगली जिल्ह्यात मतदान व मतमोजणीच्या कालावधीत सर्व प्रकारच्या मद्य व ताडी विक्रीवर बंदी घालण्यात आली आहे. निवडणूक प्रक्रिया निर्भय व मुक्त वातावरणात पार पडावी, यासाठी हा निर्णय घेण्यात आला असल्याची माहिती जिल्हा प्रशासनाने दिली आहे.
जिल्ह्यात ७ फेब्रुवारी रोजी मतदान होणार असून, ९ फेब्रुवारी रोजी मतमोजणी होणार आहे. त्या अनुषंगाने मतदानाच्या आधल्या दिवशी म्हणजेच ६ फेब्रुवारी, मतदानाचा दिवस ७ फेब्रुवारी, तसेच ९ फेब्रुवारीला मतमोजणीच्या दिवशी मद्यविक्री पूर्णतः बंद राहणार आहे.
मतदानाच्या अधला दिवस आणि मतदानाच्या दिवशी सांगली जिल्हा परिषद व आटपाडी, जत, खानापूर (विटा), कडेगाव, तासगाव, कवठेमहांकाळ, पलूस, वाळवा-ईश्वरपूर, शिराळा आणि मिरज पंचायत समिती कार्यक्षेत्रात ही बंदी लागू राहणार आहे. मात्र, सांगली-मिरज-कुपवाड महानगरपालिका, नगरपरिषद आणि नगरपंचायत क्षेत्र यामधून वगळण्यात आले आहे.
दरम्यान, ९ फेब्रुवारी रोजी मतमोजणीच्या दिवशी संपूर्ण सांगली जिल्ह्यात सर्व प्रकारचे मद्य व ताडी विक्री संपूर्ण दिवस बंद राहील. या आदेशाचे उल्लंघन झाल्यास महाराष्ट्र दारूबंदी कायद्यानुसार संबंधितांवर कडक कायदेशीर कारवाई करण्यात येईल, असा इशारा प्रशासनाने दिला आहे.
हेही वाचा: १० वी १२ वी परीक्षा काळात केंद्रांच्या १०० मीटर परिसरात जमावबंदी; सांगली जिल्ह्यात मनाई आदेश लागू.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
