सांगली : कर्नाटकातील चिंचली मायाक्का देवीची यात्रा संपल्यानंतर मिरज ते सांगली मार्गावर हुल्लडबाजी करत वाहतुकीस अडथळा व सार्वजनिक शांततेचा भंग करणाऱ्या दुचाकीस्वार आणि घोडागाडी चालकांवर पोलिसांनी मध्यरात्री कारवाई केली. सोशल मीडियावरून पोलिसांना आव्हान देणे तसेच सांगलीत रस्त्यावर मध्यरात्री हुल्लडबाजी करण्याऱ्यांवर पोलिसांकडून ही कारवाई करण्यात आली.
मायाक्का देवीच्या यात्रेनंतर दरवर्षी चिंचली ते सांगलीवाडी पर्यंत घोडागाडी शर्यतीच्या नावाखाली आरडाओरड, वेगात वाहन चालवणे आणि वाहतुकीस अडथळा निर्माण होईल असे प्रकार घडतात. यामुळे नागरिकांना मोठ्या प्रमाणात त्रास सहन करावा लागतो. यंदाही काही हुल्लडबाजांनी बेकायदेशीररित्या मिरज मार्गे सांगलीकडे कूच करत गोंधळ घातला.
गुरुवारी मध्यरात्रीच्या सुमारास म्हैसाळ आणि मिरज परिसरात पोलिसांनी काही जणांना रोखण्याचा प्रयत्न केला. मात्र त्यानंतरही अनेक दुचाकीस्वार पोलिसांना न जुमानता सांगलीकडे आले. यानंतर सांगलीतील हरभट रोड ते टिळक चौक परिसरात पोलिसांनी नाकाबंदी करून हुल्लडबाजांवर कडक कारवाई केली.
कारवाईदरम्यान काही जणांनी दुचाकी टाकून पळून जाण्याचा प्रयत्न केला, तर काहींना पोलिसांच्या काठ्यांचा प्रसाद खावा लागला. पोलिसांच्या प्रसाद वाटपाचा कार्यक्रम पाहण्यासाठी टिळक चौक परिसरात नागरिकांनी मोठी गर्दी केली होती.
दरम्यान, हुल्लडबाजी करणाऱ्यांवर पुढील कायदेशीर कारवाई करण्यासाठी पोलिसांनी व्हिडिओ रेकॉर्डिंग आणि सीसीटीव्ही फुटेजची तपासणी सुरू केली आहे. कायदा व सुव्यवस्थेस अडथळा निर्माण करणाऱ्यांवर यापुढेही कठोर कारवाई केली जाणार असल्याचा इशारा सांगली पोलिसांनी दिला आहे.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
