मिरज : जिल्हा परिषद व पंचायत समिती सार्वत्रिक निवडणूक 2026 साठी मिरज तालुक्यात शनिवारी मतदान प्रक्रिया पार पडली. सकाळच्या वेळेत संथ असलेला मतदानाचा वेग दुपारनंतर वाढत गेला आणि अखेरीस तालुक्यात सरासरी 66 ते 67 टक्के मतदानाची नोंद झाली.
तालुक्यात जिल्हा परिषदेच्या 11 गटांसाठी तसेच पंचायत समितीच्या 22 गणांसाठी ही निवडणूक झाली. एकूण 3 लाख 2 हजार 694 मतदारांपैकी मोठ्या संख्येने मतदारांनी आपला मतदानाचा हक्क बजावला. यामध्ये पुरुष आणि महिला मतदारांचा सहभाग जवळपास समान प्रमाणात असल्याचे दिसून आले.
सकाळी अनेक मतदान केंद्रांवर मतदारांची गर्दी मर्यादित होती. मात्र दहा वाजल्यानंतर मतदानाचा वेग वाढू लागला. साडेअकरापर्यंत सुमारे 18 टक्के मतदान झाले होते. दुपारी दीड वाजेपर्यंत हा आकडा 32 टक्क्यांच्या पुढे गेला, तर साडेतीनपर्यंत जवळपास 47 टक्के मतदान झाले होते.
दिवसभरात बहुतांश मतदान केंद्रांवर प्रक्रिया शांततेत पार पडली. काही ठिकाणी किरकोळ वादावादीचे प्रकार घडले. हरिपूर, बेडग आणि नरवाड परिसरात काही काळ ईव्हीएम यंत्रांमध्ये तांत्रिक अडचणी निर्माण झाल्या होत्या. मात्र निवडणूक यंत्रणेने वेळीच हस्तक्षेप करून मतदान प्रक्रिया सुरळीत सुरू ठेवली.
जिल्हा परिषदेसाठी 37 तर पंचायत समितीसाठी 57 अशा एकूण 94 उमेदवारांचे भवितव्य ईव्हीएममध्ये बंद झाले आहे. मिरज तालुक्याची मतमोजणी सोमवारी (दि. 9 फेब्रुवारी) शासकीय नवीन धान्य गोदाम (वैरण बाजार) येथे होणार असून निकालाबाबतची उत्सुकता वाढली आहे.
हेही वाचा: सांगली जिल्ह्यात 71 टक्के मतदान; पलूस तालुक्यात सर्वाधिक 75.69 टक्के मतदान.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
