सांगली : सांगली, मिरज व कुपवाड शहर महानगरपालिकेच्या महापौरपदी भाजपचे धीरज सूर्यवंशी तर उपमहापौरपदी राष्ट्रवादी काँग्रेसचे गजानन मगदूम यांनी आज अधिकृतपणे पदभार स्वीकारला. महापालिकेच्या मुख्य कार्यालयात प्रशासनाच्या उपस्थितीत पदभार स्वीकृतीचा औपचारिक कार्यक्रम पार पडला.
पदभार स्वीकारल्यानंतर दोन्ही पदाधिकाऱ्यांनी सांगली, मिरज, कुपवाड शहरांचा सर्वांगीण आणि समतोल विकास साधण्यास प्राधान्य देण्यात येणार असल्याचे सांगितले. नागरी सुविधा, स्वच्छता, पाणीपुरवठा, रस्ते आणि आरोग्य सेवांसह नागरिकांच्या दैनंदिन प्रश्नांच्या सोडवणुकीसाठी प्रशासनासोबत समन्वय ठेवून काम करण्याचा निर्धार त्यांनी व्यक्त केला.
महापालिकेचा कारभार अधिक पारदर्शक आणि लोकाभिमुख करण्यावर भर देण्यात येईल, तसेच प्रलंबित विकासकामांना गती देण्यासाठी लवकरच आवश्यक निर्णय घेतले जातील, असेही त्यांनी स्पष्ट केले.
कार्यक्रमास महापालिका आयुक्त, अतिरिक्त आयुक्त, विविध विभागांचे वरिष्ठ अधिकारी तसेच विविध पक्षांचे नगरसेवक, नगरसेविका व पदाधिकारी मोठ्या संख्येने उपस्थित होते. प्रशासनाच्या वतीने नवनिर्वाचित महापौर व उपमहापौर यांचा सत्कार करण्यात आला.
दरम्यान, मंगळवार (दि. 10 फेब्रुवारी) रोजी मनपा मुख्यालयात आयोजित विशेष सभेत महापौर पदासाठी धीरज सूर्यवंशी व उपमहापौर पदासाठी गजानन मगदूम यांची बिनविरोध निवड जाहीर करण्यात आली होती. विभागीय आयुक्तांच्या आदेशानुसार पार पडलेल्या या प्रक्रियेत जिल्हा परिषदेचे मुख्य कार्यकारी अधिकारी विशाल नरवाडे यांनी पीठासीन अधिकारी म्हणून कामकाज पाहिले.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
