सांगली : हरिपूर ते सांगली मार्गावर भरधाव दुचाकीने दिलेल्या धडकेत सायकलवरून घरी जाणारी ११ वर्षीय विद्यार्थिनी गंभीर जखमी झाली आहे. ही घटना गुरुवार, दि. ५ फेब्रुवारी रोजी सकाळी सुमारे दहाच्या सुमारास घडली.
तन्वी शरद बावधनकर (वय ११, रा. गंगानगर, हरिपूर) असे जखमी विद्यार्थिनीचे नाव आहे. याप्रकरणी तिचे वडील शरद वसंत बावधनकर यांनी सांगली शहर ग्रामीण पोलिस ठाण्यात फिर्याद दाखल केली आहे.
मिळालेल्या माहितीनुसार, तन्वी ही सकाळी खाजगी क्लास सुटल्यानंतर सायकलवरून घरी जात होती. त्यावेळी मागून भरधाव वेगाने आलेल्या दुचाकीने तिला धडक दिली. या धडकेत ती गंभीर जखमी झाली.
अपघातानंतर संबंधित दुचाकीस्वार घटनास्थळी न थांबता मदत न करता पसार झाला. परिसरातील नागरिकांनी तन्वीला तत्काळ उपचारासाठी रुग्णालयात दाखल केले. पोलिसांनी अज्ञात दुचाकीचालकाविरुद्ध गुन्हा दाखल करून पुढील तपास सुरू केला आहे.
हेही वाचा: महिलांना धमकावून साडेआठ लाखांची लूट; कवठेपिरान घरफोडी प्रकरणातील आरोपीस दहा वर्षे सक्तमजुरीची शिक्षा.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
