सांगली : सांगली पोलिस दलातील 59 रिक्त पदांसाठी झालेल्या भरती प्रक्रियेत तगडी स्पर्धा निर्माण झाली आहे. शारीरिक चाचणीत 2,140 उमेदवार पात्र ठरले असून, सरासरी एका जागेसाठी सुमारे 36 जण स्पर्धेत आहेत.
डिसेंबर 2025 मध्ये जाहीर झालेल्या या भरतीसाठी एकूण 3,171 ऑनलाइन अर्ज प्राप्त झाले होते. कागदपत्र पडताळणीनंतर 11 ते 13 फेब्रुवारीदरम्यान पोलिस क्रीडांगणावर शारीरिक चाचणी घेण्यात आली.
एकूण 2,326 उमेदवारांनी प्रत्यक्ष शारीरिक चाचणी दिली. त्यापैकी 2,140 उमेदवार पात्र ठरले आहेत. त्यामुळे अंतिम निवडीसाठी स्पर्धा आणखी चुरशीची होणार आहे.
महिला उमेदवारांपैकी 747 महिलांनी अर्ज केला होता. त्यापैकी 604 महिला उपस्थित राहिल्या आणि 542 महिला उमेदवार पात्र ठरल्या. पुरुष उमेदवारांपैकी 2,424 जणांनी अर्ज केला होता. त्यापैकी 1,722 जण उपस्थित राहिले आणि 1,598 जण पात्र ठरले.
पात्र उमेदवारांची यादी सांगली पोलिसांच्या अधिकृत संकेतस्थळावर प्रसिद्ध करण्यात आली आहे. कोणाला हरकत असल्यास 16 फेब्रुवारी सायंकाळी 5 वाजेपर्यंत ती नोंदवता येणार आहे.
भरती प्रक्रियेचे चित्रीकरण करण्यात आले असून कोणताही अनुचित प्रकार घडला नसल्याचे पोलिस प्रशासनाकडून सांगण्यात आले आहे.
हेही वाचा: सांगलीत ‘महारेशीम’ मोहीम सुरू; शेतकऱ्यांना कमी खर्चात जास्त उत्पन्न, 11 मार्चपर्यंत नोंदणीची संधी.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
