सांगली : अनेक वर्षांपासून चर्चेत असलेल्या कवलापूर विमानतळ प्रकल्पाबाबत आता प्रत्यक्ष हालचाली सुरू झाल्याने सांगली जिल्ह्यात उत्सुकता वाढली आहे. राज्य सरकारकडून लवकरच प्रस्ताव केंद्राकडे पाठविण्यात येणार असून, तो प्राप्त होताच केंद्र सरकारचे पथक प्रत्यक्ष पाहणीसाठी कवलापूर येथे येणार असल्याची माहिती केंद्रीय नागरी विमान वाहतूक राज्यमंत्री मुरलीधर मोहोळ यांनी दिली.
विमानतळासाठी आवश्यक जागा उपलब्ध करून देणे व भूसंपादन प्रक्रिया ही राज्य सरकारची जबाबदारी असून, त्या दृष्टीने जिल्हाधिकारी स्तरावर प्राथमिक हालचाली सुरू असल्याचेही त्यांनी स्पष्ट केले. प्रस्तावानंतर तांत्रिक, भौगोलिक आणि व्यवहार्यता पाहणी केली जाणार आहे.
दरम्यान, अलीकडील विमान दुर्घटनांच्या पार्श्वभूमीवर देशातील अनियंत्रित एअर स्ट्रीपची माहितीही मागविण्यात आल्याचे मंत्री मोहोळ यांनी सांगितले. बारामतीतील एअर स्ट्रीप ही फ्लाइंग क्लबच्या प्रशिक्षण संस्थेशी संबंधित असून, संबंधित दुर्घटनेचा तपास सुरू असल्याचेही त्यांनी स्पष्ट केले.
कवलापूर येथे विमानतळ प्रकल्प साकार झाल्यास सांगली-मिरज औद्योगिक क्षेत्राला थेट हवाई जोडणी मिळू शकते. निर्यात, वैद्यकीय सेवा, पर्यटन आणि नव्या उद्योग गुंतवणुकीला या विमानतळामुळे चालना मिळेल, एकूणच सांगली जिल्ह्याच्या आर्थिक विकासासाठी हा प्रकल्प महत्त्वाचा टप्पा ठरू शकतो.
हेही वाचा: पैसे ट्रान्सफर, 30 टन माल गायब; कुपवाड एमआयडीसीतील कंपनीची 19 लाखांची फसवणूक.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
